للنيو كامرز
في ناس كتيرة هتقولك الكلية صعبه ومش عارف ايه،
هي فعلا صعبه مش هنخدعك ونقولك انها جنة وتتصدم، لازم تبقي عارف انت داخل علي ايه مش علشان تُحبط ولكن علشان تستعد
صيدلة دراستها ممتعه والسكاشن والشغل فيها حلو خالص، هتجمع صحبه حلوة وذكريات جميلة
دي مستقبلك هتلاقي فيها الحلو والوحش اكيد لانها الحياة كده، بس نشكر ربنا علشان يزيدنا من نعيمه
زي ما بنقول صيدلة صعبه لازم نقول ان لو رجع بينا الزمن هندخلها لاننا لاقينا فيها نفسنا، ولما دخلنها خطينا احلامنا وحددنا اهدافها
الي بيفكر ف الصعوبه مفيش حاجه سهلة ف الدنيا كلها، الحاجه الوحيده السهلة هي الفشل
الي بيفكر ف المهنة والتكليف والدخلاء، صيدلة مجالاتها كتيرة وكبيرة وغير مقتصرة علي حاجه او حاجتين، ولكل مجتهد نصيب
ف اول ايامك انتقي اصحابك، ولازم تكون عارف انه من الطبيعي جدا جدا انك تكون تايه، انك متكونش مستوعب العالم الكبير والجديد الي دخلت عليه، وان الكلية غير الثانوي نهائي
لازم تبقي عارف انه طبيعي جدا برضو انك هتعاني من اللغة الجديد والمصطلحات الغريبه الي هتسمعها،
متتكسفش واسأل عادي الي اكبر منك، واعرف منهم اي حاجه تدور ف دماغك
اهم حاجه مع الصعوبات الي هتواجهها متيأسش وكمل وزي ما هتتعب ربنا كريم وهيوفقك، بس اهم حاجه توثق علاقتك بربنا وهو حسبك
المحاضرات الي هتحضرها ركز فيها، واسأل الدفع الاكبر منك عن الدكتور ونظامه ونظام الامتحانات وبيكرر ولا لا
، في مواد ليها شرح يوتيوب لو الدكتور شرحه مش حلو.
السكاشن ودي عبارة عن الجزء العملي بتاع الماده، ممكن يكون شبه المحاضرات وممكن تكون لا، ودي بقي الي بنلبس فيها البالطو متجبش ادوات غير لما يطلبوا منك، لانه ساعات انت بتستلمها ف المعمل،هتشوف فيها حاجات حلوة والاوان جميلة ومبهجه وهتصنع ادوية اه والله زي ما بقولك كده😂.
اهم حاجه متسبش نفسك للمحبطين، انت ف كليه حلوة وهتطلع تشتغل ف مهنه حلوة اوي
اياً كان ايه حلمك وموصلتش ليه، ف ربنا كاتبلك الخير ف مكان احلي واحلي، وهو اعلم بالاحسن ليك، ولو كان القدر دخلك صيدلة ف هي قدرك ونصيبك الحلو باذن الله
استعد لعالم الكلية واستمتع بكل لحظه هتقضيها، كل حاجه بتتعوض الا عمرك اعرف هتفنيه ف ايه علشان هنتحاسب عليه
بتمني ليكم التوفيق والي عايز يستفسر علي اي حاجه ايا كانت ايه حتي لو شايفها صغيرة او تافهه يسأل وان شاءلله هرد عليكم
20
3
225 سبتمبر 2022 2.6 ألف 4
