المحزن بعض الشيعة العراقيين في الخارج وحتى بعض الخليجيين يجون للعراق يزورون المراقد المقدسة كلها باستثناء مرقد الإمامين العسكريين عليهما السلام!
زين هذا مو جفاء!
الروحة لسامراء المقدسة ما تستغرق أكثر من ساعة ونصف بالسيارة من الكاظمية يعني مو شيء مرهق..
الإيرانيين الله يحفظهم هواي منهم يجون قبيل الزيارة الأربعينية لبغداد فيزورون الإمامين الكاظمين عليهما السلام، وبعدها يروحون لسامراء لزيارة العسكريين عليهما السلام، ومن سامراء يرجعون لبغداد، بعدها للنجف الأشرف وبعد زيارة أمير المؤمنين عليه السلام وزيارة مسجدي الكوفة والسهلة ينطلقون بالمسير نحو كربلاء المقدسة.. بالرغم همه أغلبهم فقراء وهذا مكلف بالنسبة الهم ومعلوم وضعهم الاقتصادي شلون بإيران
لكن لا يتعاجزون ولا يستخسرون التعب ولا المال لأجل صلة أهل البيت عليهم السلام..
نگولها حتى لعل وعسى شوي يلتفت المؤمنين ويشجعون معارفهم على زيارة سامراء المقدسة.
ووضع سامراء آمن تماما، الحشد الشعبي متولي الملف الأمني والأمور مطمنة على الأخير، صحيح الدخول إلها أشبه بالدخول لثكنة عسكرية، لكن الشيعي الموالي رايح حتى يزور وما أشوفه سبب يبرر حصول هذا الجفاء المعيب.
4
2
1September 8, 2026 34
