ام بعتت لى يا دكتورة ازاى مش نضرب عيالنا الضرب وسيله مهمه و كمان سريعه علشان يسمعوا الكلام
الرد
غاليتى صحيح أن الضرب وسيله سريعه فى رد فعل الطفل لكن بضربك فعلا بيكون فيه رد فعل انه يعمل إللى انتى عايزاه لكن شوفى معايا رد الفعل طويل الأمد من ضربك له
١_ بتربي طفل جبان خايف من العقاب مش عارف الصح من الغلط و فيه فرق كبير بين انك تمتنعى عن الخطأ لأنه خطأ و ده بيكون باقتناعك و انك تمتنعى عن الخطأ لأنك خايفه من العقاب
٢_ بمرور الوقت الولد بيعرف اخرك زى ما بنقول ماما حتزعق شويه و حتضرب و الموضوع حيمشى زى ما ما انا عايز خلاص علقه تفوت و لا حد يموت
٣_ بمرور الوقت تلاقى ان الضرب مش بياثر اساسا و الطفل زى ما بنقول جسمه بينحس لا نافع ضرب و لا شئ و ف الاخر ايدك انتى إللى حتوجعك و حتحاولى ايذاءه بدنيا أكثر لتصلى لنتيجه و مع الأسف ممكن تعملى إثر ف جسمه و ف قلبه منك
٤_ بمرور الوقت كل إللى حتكسبيه هو كرهه ليكى و بعده عنك و لما يكبر اما بنعزل فى حجرته أو يخرج مع اصحابه أو حتى يقعد ساكت ده لو قعد اصلا
1May 16, 2026 788 2
