- Ɱ

تگلي احميك
وانت ملثم من الخوف
تسولف اعله الندى وتحرك بساتيني
تكتل ناس چي ما گدروا يحبوك
ودرس عن الحسين تريد تنطيني
تدليني درب ما تدري دربه منين
دندل الدرب بعدين دليني
تراويني الشمر وتگلي هذا حسين
هذا حسينكم؟
اني اعرف حسيني .

- لان لا زحت الحيا
ولا ضيعت معروف
ولا خنت الوفى وربعي
أجفلو مني اضحك بالوجوه
بغير راحة بال واصبر لو
ليالي العسر ضكني
يگول عداية لهم فضلاً
علي منة فلا ابعد الرحمٰن
عن الاعاديا...
هم فتشوا عن زلتي
فاجتنبتها وهم
نافسوني فأرتقيت المعاليا .

لـ عريان سيد خلف .

تبي تعاشر خيالي وتدخل الدنيـاي
امشي وياي مخلص لا تماشينـي
اخذني بهذا وضعي ومثل ماموجـود
لو عنها الترك لهـا وخلينـي

انا مدمن هواجس والجرح ماطاب
ياهو الجابرك تنده مچامينـي

لا تلعب علـي لعب الحمل والذيـب
هذا اللون يكـلب كـل موازينـي

انا طبعي بدوي وثوبي وچسوتي ولام
مو كل المفصل ثوب يرضينـي

اريدك بس الي مـكدر عليـه كـدار
كون من المتن للجـدم تجسينـي

لا اريدك طويل تخض وادوسن بيك
ولا اريدك قصير اتطيح من عينـي

ابي مرتع گفـر لا زفـر لا محيـوس
لا نصه ويبطلها الدانـي والدونـي

طبع بيه من اعاشر ما اعاشر لاش
هيچ من الگمايط هـذا تكوينـي

انا گاع الصدور التعشگ النعناع
مو كل هرش بنيت يرهـم لطيبـي .

- How can I escape it? It is my destiny .