دیلبر رعنا
هر کیمین نازیک بدن بیر دلبر رعناسی وار
جام عشقینده شراب کهنه گیراسی وار
مستی مئخانه دن عشقین هاواسی خوش گلیر
خوش او کس کی نازنین بیر یار خوش سیماسی وار
عشق بیر دریادی گؤیچک لر گؤزونده موج ائدر
غرق اوْلار هر عاشقی که خوش ادا لئیلاسی وار
عشق بیر حالتدی هر عاشق دوشوب بو حالته
باش نه دیر جاندان کئچر عشقین بئله غوغاسی وار
عشق بیر شیرین چتین درددی دواسین گؤرمه دیم
بیر بلادیر مین طبیب اوْلسا گئنه پرواسی وار
یاندیرار اوْدسوز یاخار سس سیز و یا احیا ائدر
هر کسین باشیندا بیر نازلی صنم سوداسی وار
عاشیقین دردین تاپانماز هر باخان هاذق طبیب
تاپ حکیمی کی گؤزونده بیر درین دریاسی وار
عشق بیر پئیمانه دیر هر کیم ایچیب مدهوش اوْلوب
بیر قیز گول دی باشیندا بولبولِ شئیداسی وار
قودرت عشق اوْلماسا دونیا دوشر انگیزه دن
هاشم ه گؤر نئیله ییب ویرانه ده مأواسی وار
هاشم فرح آسا
❤️
════༻♥️༺═══
September 9, 2026 10
