شركة Google أعلنت إن عائلة نماذج Gemma المفتوحة تجاوزت مليار تنزيل خلال حوالي سنتين.
لكن الرقم لحاله مش أهم اشي… المطورين نشروا أكثر من 100 ألف نسخة معدلة ومشروع مبني عليها.
وين وصلت Gemma؟
• فرق مرتبطة بـNASA وشركات فضاء بتشغلها مباشرة داخل المدار لتحليل الصور وتقليل البيانات اللي لازم تنرسل للارض.
• هيئة الصحة الوطنية بالهند دمجت Gemma 4 داخل تطبيق Aarogya Setu 2.0، اللي تجاوز 100 مليون تنزيل، للمساعدة بترتيب التقارير الطبية وتحويلها لصيغ رقمية موحدة.
• باحثين من Yale وGoogle بنوا عليها نموذج C2S-Scale لفهم لغة الخلايا، وبحسب Google قدر يقترح مسارا علاجيا جديدا للسرطان وتم التحقق منه داخل خلايا حية.
• نموذج DolphinGemma بشتغل على تحليل اصوات الدلافين ومحاولة توقع تسلسلها.
والحلو شركة Google كمان فتحت مستودع Awesome Gemma على GitHub، وجمعت فيه المشاريع والنسخ المعدلة والشروحات والادوات المبنية على Gemma.
السباق الحقيقي بالنماذج المفتوحة ما عاد بس مين عنده النموذج الاقوى… صار مين بقدر يبني حوله مجتمع يستخدمه بكل مكان، حتى خارج الكوكب.
Forwarded fromمتجر الكورسات المميزة - Distinctive course store
1August 24, 2026 490 1
