Mustaqillik haqida o‘ylaganimda, beixtiyor jadid bobolarimiz yodimga… — Madaniyat vaziri matbuot kotibi

Madaniyat vaziri matbuot kotibi | Sirojiddin O‘sarov@press_usarov · 11.4K subscribers Open in TelegramOpen

Mustaqillik haqida o‘ylaganimda, beixtiyor jadid bobolarimiz yodimga tushadi. Ular ozod va taraqqiy etgan Vatan, ilmli va uyg‘oq xalq uchun kurashdi, shu yo‘lda hayotini ham ayamadi.

Bugun biz erkin yurtda yashayotgan ekanmiz, bu ne’mat ortida qancha orzu, kurash va fidoyilik borligini unutmasligimiz kerak.

Men uchun Mustaqillik — nafaqat faxr, balki mas’uliyat ham. Vatanga sidqidildan xizmat qilish, o‘z kasbimizni halol bajarish va kelajak avlodga munosib yurt qoldirish mas’uliyati.

Jadidlar orzu qilgan ozod Vatan bugun bizning qo‘limizda. Uni asrash va yanada obod qilish esa barchamizning vazifamiz.