لما تفهم الفرق بينك وبينها في الجنس هتقدر تبقى جامد تنين مجنح..
"قل هل يستوي الذين يعلمون والذين لا يعلمون" - الزُمر الآية 9
العاطفة و الجنس
زوجتك بتُمارس العاطفة قبل الجنس بمعنى إنها محتاجة أحضان وقُبلات ومحتاجة تحس بإنك محتاجها وبتحبها وبتحب ده معاها..
انت بتمارس الجنس قبل العاطفة بمعنى إن أولى اهتماماتك بيكون إنك تدخله
وتقذف، وبعدها تبقى تحضن وتقول كلام حلو وتديها عاطفة..
فلو عايز توصل لليڤل الوحش اديها اللي هي عايزاه وأجِّل احتياجك
يعني مداعبة كتير وعاطفة كتير وحب كتير وكلام جميل، وقد إيه الغزال ده شارد، و رماني غزال أهيفْ بجماله فجاءت سهام القتل من جانب الدوا.. وكل أشعار الحب والغزل، ساعتها هي هتديك أحلى جنس انت عايزه
تقوم بعد ما تخلص تاخدها في حضنك وتديها عاطفة
كنت انت عملت كل حاجة في الكوكب، انت رئيس كوكب الأرض في الوقت الحالي مؤقتا لحد ما حد تاني يعلي عليك😁
الهرمونات و الهيلي بيلي
كمان لازن تفهم إنك إنت كراجل عندك استقرار في هرمون التستستيرون مبيجيلكش دورة ساعة تروح وساعة تيجي، صحيح احنا كرجال بنتعرَّض لحاجة أشبه ما تكون بالدورة الشهرية عند النساء، لكن بنتعرَّض لها كل يوم حرفيا العلماء بيسموها IMS دي غير الدورة عن الستات اسمها BMS
انت بتتعرض لزيادة في هرمون التستستيرون أول ما تصحى من النوم لإن جسمك كان شغال بيجهزهولك وانت نايم، فـ دي أحسن أحوالك الجنسية، كمان لما بنسمع اخبار حلوة، ولما فريق الكورة اللي بنشجعه بيكسب، ولما بنتفرج على فيلم أكشن بيحصل زيادة في إفراز هرمون التستستيرون، لكن بشكل عام انت كراجل عندك الهرمونات أكثر انضباطا منهن..
أما النساء فـ بسبب الدورة الشهرية فـ الهرمونات عندهن مش منضبطة فـ احتياجهم للجنس مش شبه بعضه طول الشهر، في أوقات بيكون شهوتهن للجنس عالية جدا، وفي أوقات تاني مش طايقينك ولا طايقين اللي خلفوك.
وأفضل حل إنك تفضل تتابع زوجتك لحد ما تعرف إيه أحسن أوقات بتكون فيها في الشهر، وتكتر منه، وتريح معاها لما هي تبقى محتاجة تريح
ولحد ما توصل لليڤل الوحش ده فـ ممكن تتكلم معاها هل مزاجها رايق ولا لا، وتسدد وتقارب.
عتوصل لإيه بالجنس "بصوت اللمبي"
الستات بيعملوا الجنس حرفيا علشان نديهم العاطفة والحب ويحسوا إننا قريبين ليهم، كلمة السكن اللي ربنا وصفهم بيها في غاية الدقة اللغوية، آهي السكن دي عايزة تحس إنها سكن ليك في كل حاجة، عايزك توريها إنك بتسكُن بيها وعندها وفيها وليها وإليها..
أما احنا فـ عندنا جحود الحقيقة، احنا بنعمله علشان ننطر، أو نخلف
فـ بالله عليك قرب المسافة بين هي عايزه توصل لإيه بالجنس وانت عايز توصل لإيه علشان توصلوا سوا وألف ألف مبروك
حمدًا لله عا السلامة
ده اللي هو أكيد هاتكلم عن الوصول، الوصول للنشوة الجنسية والقذف مختلف بينا وبينهم زي ما انت عارف، هم بيتأخروا عننا لكن احنا ينفع نتأخر عنهم لو فهمنا التيتة
علشان تخليها توصل قبلك داعب كتير، حضَّر جامد، جهز شق القمر قبل الولوج إليه، كده أول ما انت تبقى جوه هي هتيجي، وانت لسه بتسمي أساسا.. دي التيتة يا شبح.
مهم جدا كمان إنك تفهِّم زوجتك أسباب امتناعك عن الجنس، لكن الامتناع الي انا بتكلم عنه هو الامتناع الطبيعي يا روح الغالية والدتك، يعني متعطلش منها 6 شهور وتقول لها أصل أنا مرهق شوية، أحا وليك عين تستخدم كلمة شوية😄
فـ لو حضرتك هتمتنع عن الجنس لإن مزاجك مش رايق أو بالك مشغول خدها في حضنك كده وبوس ما بين عنيها وقل لها بأدب وهدوء إنك محتاج وقت علشان بالك مشغول ومتحبش إنك تكون معاها ودماغك في حتة تانية
ولازم بعد إذنك يكون عندك الأدب والتفهم إنك تعرف إنها ممكن تمتنع عن الجنس لإن هرموناتها ملخفنة، وليها حق تقول لك بلاش النهارده
فلما تقول لك كده خدها في حضنك ومتضايقهاش
يستقيم لك البيت💛
بس أنا خلصت..
61
4
3
2
