باجر راح يشيعون نعش الشهيد القائد الولي الفقيه الإمام الخامنئي رضوان الله عليه بالنجف وبكربلاء المقدسة
بكل مكان انتشرت صور التشييع المهيب إلي صارت بإيران والأعداد الهائلة إلي وصلوا رسالة للعالم أن الشعب الإسلامي شعب حر خلف قادته عكس الصورة إلي حاول الأعلام الغربي أن يصورها انه الشعب الايراني يكره النظام ويكره الحكم الديني
سواء كنت شخص اعتقد بولاية الفقيه أو لا فمو من الإنصاف أن يتم تشييع الفقيه العالم القائد الشهيد بأرضي وما أشارك بيه نصرة للإسلام ودعما لمواقف الجمهورية الإسلامية بحربها ضد الكفر وأهله
إذا بهذا اليوم ما أتخذت موقف ونصرت الدين بحضوري ووقفت مع الجهة إلي أُعتدي عليها وما انسه انه جانوا استشهدوا بشهر رمضان المبارك صائمين عابدين ومقابلين الموت لا خاتلين ولا خايفين رغم كل التهديدات وجانوا يعرفون انه امريكا غادرة ولا مأمن منها وانه راح تستهدفهم بكل تأكيد … فتقبلوا الموت بكلهم واولادهم وعائلتهم نصرة للدين وثبات على الموقف
شوكت راح انصر صاحب الزمان الإمام المهدي المنتظر ومعقولة راح اوكف وياه اذا بهذا اليوم ما اتخذت موقف؟؟؟
ديروبالكم تستصغروا الموقف هذا او العمل هذا لأن راح نسأل عنه يوم الحشر من راح تنكشف كل الاوراق ويتضح الحق وين والباطل وين (خلي نسبة 1% انو احتمال راح تطلع غلطان بالي جنت معتقده وراح تتحاسب على موقفك هذا اذا جان ضد الشهيد) … ذاك الوقت الجاهل والمحايد والمعادي كلهم بكفة وحدة وماكو عذر وراح يتحاسبون عند الرب العادل المنصف
رغم كل ظروف حياتي ومشاغلي بس راح اعطل كل شيء هاي الليلة وباجر واحاول اسجل موقف عسى ولعل هذا الموقف يقربني الى الله ويرضتيه مني صاحب الزمان وما اتعاقس عن اداءه
اني قليل النشر بكل مكان والي متابعني ملاحظني لا انشر نصائح ولا توجيه ولا انشر اي عمل خير ولا حتى انشر اي شي بس هذا الموقف والتبيان والتوضيح هذا واجب ديني واخلاقي وانساني واني مسؤول عنه أمام الله
