🎯 مقابلة العمل مو امتحان... فلا تتعامل معها كأنها امتحان!
المقابلة مانها مجموعة أسئلة تحفظها وتروح ترددها.
الموضوع أبعد مايكون عن امتحان جامعة،
ومو أسئلة دورة لازم تحفظ أجوبتها حرفيا.
لذلك لا تعذب حالك بالسؤال علغروبات:
"شو الأسئلة اللي رح تسألني ياها الشركة؟"🤔
لأن حتى لو عرفت الأسئلة مسبقا..
شو بتعمل إذا سألك المدير سؤال ما خطر ببالك؟ 👀
المهم مو إنك تحفظ جواب مثالي.
المهم إنك تكون قادر تتعامل مع السؤال.
لما يسألك :
"احكيلي عن حالك."
هو شاف الـCV تبعك قبل ما يقعد معك.
مو ناطر ترجع تسردله المعلومات المكتوبة قدامه...
طيب شو اللي ناطر يسمعه منك⁉️
ولما يسألك:
"شو هو شغل المندوب العلمي؟"
فكر:
"شو رح يكون شغلي أنا؟ وشو الأمور اللي المدير ناطر يشوف إني فهمانها ؟"
ولاتجاوبني انك صلة وصل بين الشركة والطبيب 🙂
هون في كلمات مفتاحيه بس امتلكتها صيغ جوابك كيف مابدك بس عطيني كلمه مفتاحيه
🔥 هون الفرق بين شخص بيحفظ إجابات المقابلة... وشخص تدرب كيف يجتاز المقابلة.
وهاد تحديدًا اللي رح نشتغل عليه مع الزملاء بتدريب اجتياز مقابلات العمل للدعاية الطبية. 💼💊
4
1August 30, 2026 539
