الحمل والصيام
✅بما انه الشهر الفضيل عالابواب والكل يسال عالصيام خل نسولف شوية عالموضوع يارب تستفادون
الصيام للمرأة الحامل بصورة عامة مابي مشكلة يعني نكدر نصوم بس بضوابط واحتياطات معينة وهي:
1️⃣نشرب سوائل خلال الفترة بين الفطور والسحور
2️⃣اخذ فيتامينات الحمل بصورة صحيحة
3️⃣اكل صحي كو كمية نوعية يعني لايخلو الفطور من البروتينات والدهون والكاربوهيدرات بكمية اقل
4️⃣مننسى الخضراوت حتى نتجنب الامساك
5️⃣ننام وقت كافي ونعوض بالنهار لان قلة النوم تسبب الارهاق وتسبب زيادة التقلصات وقلة حركة الجنين.
الفطور يكون تمرة وحدة او ٣ تمرات بالزايد وبشوربة خفيفة رجاء حوامل الشوربة خفيفة حتى تعوضين الاكل والسعرات بشي ثاني مو الشوربة
بعد تناول الشوربة بنص ساعة المفروض يله تاكلين اذا مو اكثر يعني لان انت صايمة نازل السكر تاكلين راح يصعد مستوى السكر بالدم هذا يسبب وصول كمية اعلى من المعتاد من السكر للمشيمة وبالتالي للجنين وهذا الي منريده الهدف انه بعد الفطور يكون وصول الغذاء للجنين بطريقة معتدلة
بعد ساعتين ناكل شي بسيط ونحاول كل شوية مي وسوائل
عصير مو شرط عصاير حلوة ممكن نحاول نستبدلها بشي صحي حتى واذا مو كلش نرغبها انتي هالسنة صيامج غير اتحملي لخاطر البيبي ورمضان الي بعده يكون بحضنج ويخبصج بالفطور😅
لتعوفين السحور السحور وجبة مهمة جدا وخصوصا انتي صايمة بعدها ١٢-١٤ ساعة عالاكل تاكلين تمر ولبن وجبة خفيفة وبيها مايسد
✖الي ممنوعة من الصيام ومننصحها تصوم منو؟
1️⃣حامل بداية الحمل ووحام شديد وعدها علامات جفاف ميصير تصوم
2️⃣فقر دم حاد مع الحمل
3️⃣ارتفاع الضغط وارتفاع السكر مع الحمل
4️⃣حمل بتقلصات رحمية شديدة ومهدد بولادة مبكرة
5️⃣ارتفاع الحرارة بسبب التهاب معين مثل الانفلاونزا الشديدة او التهاب المجاري البولية لان تزيد التقلصات واحتمالية الولادة المبكرة
ضمور حجم الجنين لاي سبب يعني هو اصغر من حجمه الطبيعي بسبب عدم كفاءة المشيمة او سبب اخر .
انتي وصايمة ووصلتي لنص الشهر وبديتي تتعبين او بدت تصير حادة وتقلصات قوية افطري وارتاحي وعوضي غير ايام.
قبل الفطور انصح باخذ حبوب البلاسيل واللانسوبرازول للي تعاني من التقيؤ او الحموضة او ثقل الطعام بالمعدة
تخفف العلاجات هذي من الاعراض وتمنع بقاء الاكل بالمعدة لفترة طويلة.
رمضان كريم
د رحاب مجيد شريف
9February 21, 2026 7.6K 1 13
