ប្រទេសកូរ៉េខាងត្បូងកំពុងដាក់ដំណើរការគម្រោង "AI សម្រាប់ទាំងអស់គ្នា" (AI for All) ដែលមានគោលបំណងផ្តល់ឱ្យប្រជាពលរដ្ឋគ្រប់រូបអាចប្រើប្រាស់សេវាកម្ម AI ដែលអភិវឌ្ឍក្នុងស្រុកដោយឥតគិតថ្លៃ។
រដ្ឋាភិបាលគ្រោងនឹងដាក់ឱ្យប្រើប្រាស់នូវឆាតបត AI សម្រាប់ប្រើប្រាស់ទូទៅ និងភ្នាក់ងារ AI សាធារណៈ នៅក្នុងឆ្នាំ២០២៦ ដោយគ្មានដែនកំណត់នៃការប្រើប្រាស់ឡើយ។ ភ្នាក់ងារនេះនឹងជួយប្រជាពលរដ្ឋក្នុងការស្វែងរកសេវាកម្មរដ្ឋាភិបាល បំពេញពាក្យសុំផ្សេងៗ និងបំពេញកិច្ចការនានាជំនួសពួកគេ។
ការដាក់ឱ្យប្រើប្រាស់សាកល្បង (Beta) ត្រូវបានគ្រោងនឹងធ្វើឡើងនៅចុងខែកញ្ញា។
រដ្ឋាភិបាលក៏កំពុងផ្តល់ជូននូវ GPU ប្រភេទ Nvidia B200 ចំនួន ៥១២ គ្រឿង ដើម្បីគាំទ្រដល់ការអភិវឌ្ឍនេះផងដែរ។
ក្រោយឆ្នាំ២០២៧ កូរ៉េខាងត្បូងគ្រោងនឹងបន្តធ្វើឱ្យប្រសើរឡើងនូវប្រព័ន្ធនេះ ឆ្ពោះទៅរកគោលដៅរបស់ខ្លួនគឺ "ប្រជាពលរដ្ឋម្នាក់មានភ្នាក់ងារ AI មួយ"។
ប្រភព៖ ក្រសួងវិទ្យាសាស្ត្រកូរ៉េខាងត្បូង
រូបភាព៖ Reuters
August 29, 2026 1.5K 10
