Мен лавозимимдан ёки даражамдан фойдаланиб кимдандир пул олиб ёки… — Отабек Артиков

Отабек Артиков@Otabek · 34.1K subscribers Open in TelegramOpen

Отабек АртиковЎзбекистон Республикаси Вазирлар маҳкамаси ҳузуридаги Қурилиш ва уй-жой коммунал хўжалиги соҳасида назорат қилиш инспекцияси Қашқадарё ҳудудий бошқармаси энди навбат сизларга. Кечаги свет темаси тамом, бугундан "Трансформаторим қани?" сериалини бошлаймиз.…

Мен лавозимимдан ёки даражамдан фойдаланиб кимдандир пул олиб ёки бошқа шахсий манфаат эвазига муттаҳам бўлмаганман, шу учун тилим 2 қарич (аёллар эшитмасин) шу сабаб танқид қилсам деҳқон бобом кетмон билан солгандек пала-партиш яғир қилиб сўз билан калтаклайман.

Муттаҳамликни кимдан қилсанглар қилинглар зарари менга ёки яқинларимга тегмасин.
Чунки сизни муттаҳамлигингиз сабаб мени тинчим бузилмаслиги керак.

Трансформаторимни жимгина жойига олиб келиб қўйинглар, асли мана шу электр қуввати пастлигидан азият чекишимга сабаб ҳам ҲЭТ эмас, трансформаторни жойига қўймаган валломатлар бўлади.

Мени тинчим бузилса жуда кўпчиликни тинчи бузилади, бир-биримизни безовта қилмайлик.

Уни барибир қўясизлар, шунчаки тинч йўл билан қўйганингиз ҳаммага яхши, вақтида қўймасанглар шарманда бўлиб кейин барибир қўясизлар.
Шуни жанжалсиз яхшилик билан ҳал қилайлик, менга ким қайси лавозимда экани қизиқмас, мен одамларни лавозимига қараб эмас одамлигига қараб гаплашаман.
Сих куйиб қолмасидан трансформаторни жойгинасига олиб келиб қўйинглар илтимос.

Бу ягона ва охирги илтимосим.
Кейинги гал аския орқали гаплашишимиз мумкин...