⭐କେଉଁଠି ସ୍ୱାଧୀନତା?⭐
ତିରଙ୍ଗା ଉଡୁଛି ଉଚ୍ଚରେ,
ଭାଷଣ ହେଉଛି ଜୋରେ ଜୋରେ।
"ଆମେ ସ୍ୱାଧୀନ" କହୁଛୁ ଆମେ,
କିନ୍ତୁ ସ୍ୱାଦ କେଉଁଠି ତା'ର?
ସହୀଦ ମାନଙ୍କ ରକ୍ତ ଦେଇ,
ଯେଉଁ ସ୍ୱାଧୀନତା ଆମେ ପାଇଲୁ,
ଆଜି ସେଇଟା କାଗଜରେ ଲେଖା,
ବାସ୍ତବରେ ଖୋଜି ହେଉନି।
ପେଟର ଜଳା ସ୍ୱାଧୀନ ନୁହେଁ,
ଚାକିରି ଖୋଜୁଥିବା ଯୁବକ ସ୍ୱାଧୀନ ନୁହେଁ।
ରାତିରେ ଘରକୁ ଫେରୁଥିବା ଝିଅ ସ୍ୱାଧୀନ ନୁହେଁ,
କରଜରେ ବୁଡ଼ିଥିବା ଚାଷୀ ସ୍ୱାଧୀନ ନୁହେଁ।
ଶାସନର ମଞ୍ଚରେ ବଡ଼ ବଡ଼ କଥା,
"ବିକାଶ, ପ୍ରଗତି, ଉନ୍ନତି"।
ତଳେ ଲୋକ ପଚାରେ -
"ପେଟକୁ ଭାତ ମିଳିବ କେବେ?"
"ସମ୍ମାନରେ ବଞ୍ଚିବା ଅଧିକାର କେବେ?"
ମତ ଦେବାର ସ୍ୱାଧୀନତା ଅଛି,
କିନ୍ତୁ ପ୍ରଶ୍ନ ପଚାରିଲେ ବିପଦ।
କଲମ ଚଳାଇବାର ସ୍ୱାଧୀନତା ଅଛି,
କିନ୍ତୁ ସତ ଲେଖିଲେ ଆକ୍ରମଣ।
ଆମେ ଇଂରେଜଙ୍କୁ ତଡ଼ିଲୁ,
କିନ୍ତୁ ନିଜ ଭିତର ଶୋଷଣକୁ ତଡ଼ି ପାରିଲୁ କି?
ଆମେ ଶୃଙ୍ଖଳ ଭାଙ୍ଗିଲୁ,
କିନ୍ତୁ ଗରିବ-ଧନୀର ବ୍ୟବଧାନ କମିଲା କି?
ପ୍ରକୃତ ସ୍ୱାଧୀନତା ସେଦିନ ହେବ,
ଯେଦିନ ଦୁଃଖ ସମସ୍ତଙ୍କର ଟଳିବ।
ଶିକ୍ଷା ଆଲୋକ ଘରେ ଘରେ ଜଳିବ,
ତିରଙ୍ଗା ଗର୍ବେ ଆକାଶେ ଉଡ଼ିବ।
ଜୟ ହିନ୍ଦ୍! ବନ୍ଦେ ମାତରମ୍! 🇮🇳
26
8August 15, 2026 8K 6
