#بوست_مهم_للتوعية
في البداية أتمنى تكونو بخير ،
تاني حاجه اللي عايز أتكلم فيها هي موضوع التداول و المراهنات و الربح من الإنترنت و الاستثمار اللي انتشرو بسرعه غريبه في الفتره الحاليه .
#اولا #التداول اللي هو فوركس و كونتي و كيونت و مواقع تانيه كتير ؛
دول بقى في اول الأمر بيديلك مكسب كتير و فلوس من غير تعب لحد ما تدفع كل اللي معاك و تيجي المنصة تقفل و تسرق كل فلوس المستخدمين ،
و لو هتقول "انك هتشتغل فتره صغيره تعمل فلوس منها و تقفل قبل ما المنصة تسرق منك فلوسك " احب أقولك انك مش هتبطل الموضوع و هيجيلك حالة طمع و تدفع كل أملاكك و برضو هيتنصب عليك .
#تاني حاجه هي #الإستثمار زي ما بيقولو عليه
دول ناس بيطمعو الناس و يقنعوهم انهم هيدفعو مثلا 500 جنيه وبعد ساعه هياخدوها 5000 و طبعا دا كله نصب و لو دفعت جنيه مش هتاخد غير بلوك و محدش هيفيدك و لو كلامهم حقيقي كان دفع هو 500 جنيه و خدهم 5000 و كان شغلهم كمان مره و وصلهم مليون جنيه في 4 ساعات
و غير كده يابن الحلال كل دا #حرام و خليك عارف ان الجنيه اللي هيدخل جيبك بسهوله هيخرج بسهوله فـ ربنا يبعدنا عن الحرام و يرزقنا القناعة
أخيراً يا عزيزي القارئ إذا أنت شايف إن البوست دا مهم ومفيد ف بإمكانك تعمل شير لعل وعسى ينفع شخصاً ما ينور بصيرته عن الموضوع دا 💗.
#لا_للتداول
Forwarded fromThe memes .
April 5, 2025 771 1
