دليني عليك
سنين تايه بيك
وأمشي وياي ادورك
خاطر اندلك
عرفني اعلىَ شخصك
رايد احچي وياك بس كلمة
وبعد ماغيرها نگلك
وحدة من الثنين
و وحدة راح أختار
لو كلك أحبَك
لو أحب كلك
اسئل ليش أحبّك
حتى اگلك ليش
وليش شما تسوي وياي أقبلك
لحظة موت عمري
سنيني كلّهن خوف
وبس وياك آمن لمن أوصلّك
و أنت آخر نفس
وشگد عزيز تصير
وبلحظة ألموت تريدنه نملك
خيط أعلى الجرح
باللحم صرت وياي
لو كل الجروح تطيب ما أفلك
تعرف كلشي بيه
وما عرفت شبيك
لغز حلّك لغز
من يگدر يحلك
و أشرد حتى أجيك
ومدري ليش ألخوف
وخاف تخاف مني
بسدَك أختلّك
مثل ضلك أضل
واليل يگضي اليل
من تطلع شمس
من طولك أنزلك
جبار رشيد
ولوين.....؟
August 2, 2026 3.2K 27
