#Одамлар_орасида
Бугун оммага жаҳолат, маданиятсизлик, беадаблик, хунук ишларни тарқатаётганлар, тарғиб қилаётганларга уламоларимиз асрлар аввал китобларига киритиб, ҳукмини баён қилиб кетганлар. Минг афсуски, бугунга келиб аждодларимиз битиб кетган эски алифбони ўқий олмаймиз, натижада жуда кўп илм ва маънавий озуқадан мосуво бўлиб, бенасиб қолмоқдамиз. Бу оғриқли томонимиз.
🖥 Масалага келсак, ижтимоий тармоқ ривожи билан ҳар ким ўз билганини унга қўйиб, оммага ошкор қиладиган замонда яшамоқдамиз. Жумладан, уни тергайдиган ота-онаси бор бўла туриб, уялмай (аммо "ҳаа, тарбия беролмаган ....га ..." дейдиган дарадажа) олдига 5-6 кишилик лаганда ош билан алламбало мусиқа қўйиб, кафтлаб ош ейиш каби бетамизлик, икки ҳовучлаб худди чорпо (тўрт оёқлилар) каби фаросатдан бенисиблик билан ош ейиш, бир ўтиришда неча кишилик таомни бир киши ейиш мусобақалари ... ва ҳ.к. хунук ва уят ҳолатлар оммалашиб, аксига уни кўриб, маъқуллаб, "👍" ёки "❤️" босадиганлар кўпайди. Шуни босиш ҳам уларни қўлллаш ва улар тарафда эканлигини билдиради. Уларнинг бу ишлари юқоридаги айтганимиздек, жамият, уламолар ва шариат наздида энг камида хунук эиш эканлиги маълум. Шу борада бу каби амалларнинг ҳукми қандайлиги ҳақида туркийда битилган китобларда шундай дейилади (расмда келтирилган аслидек, туркийда ёзилганидек ўгирилди):
... Савол: Мустакраҳ нечук амалдур? Жавоб: Мустакраҳ шу тариқа амалдурки, аввалғи солиҳ имомлар анинг қилмакликни яхши кўрмабдурлар ва ани қилгандан қилмаслиги авлороқдур. Мустакраҳ амални қилғон киши гунаҳкор бўлмаса ҳам беодоб аталур. Қиёмат кунида итобга қолмак (азобланиш) эҳтимоли ҳам бордур. Савол: Мустакраҳ амал қаю нимарсаларга ўхшашдур? Жавоб: Таом емакда луқмани катта олмак, бозорда, кўчада таом емак, баланд овоз бирла кекирмак ва овоз бирла эснамакға ўхшашдур. (Яна қўшимча қилиб) ... одамлар ичида масхарабозлик қилмак, уятсиз шеърларни битмак кабилардур.
Ҳеч ким мана шу ишларнинг бирортаси бугун жамиятда, одамлар орасида йўқ, дея олмайди. Шунинг учун жамиятни сақлашда бундай ишлардан тийилиш, бошқалар эса шундай қилганларни қайтариши лозим.
Билиб қўйишимиз лозим бўлган яна бир нарса: қадимги уламолар, аждодларимиз бир китоб ёзадиган бўлсалар, жамиятга ва мусулмонларга манфаат бўлиши, уни ислоҳ қилиш мақсадида ёзганлар. Вассалом.
•••••━┅┉┈
؏• @OlimjonAllohquli
