السلام عليكم و رحمة الله و بركاته إزيكم ي شباب معانا النهاردة موضوع مهم و هيفيدكم اوي ف الشغل كتمريض ف اي مستشفي و هو (التسليم و التسلم) و دا من اهم الحاجات اللي حضرتك هتحتاج تكون متعلمها ف الشغل و هو عبارة عن كام نقطة كدا 1- صفحة الغلاف اسم المريض و السن و تاريخ الحجز و اسم الدكتور اللي حجز الحالة اللي هو الاستشاري بتاعها لو موجود و التشخيص 2- ال history و السبب اللي المريض جاي يتحجز عشانه و دا صفحة ال admission sheet او صفحة ال problems ع حسب ما هو عند حضرتك 3- GCS درجة وعي المريض 4- العلامات الحيوية V. S و هل حصل اي تغيير غير طبيعي خلال الشيفت و ايه التدخل اللي اتعمل 5- الادوية و هل فيها مضاد حيوي او علاج سيولة و هل في ادوية اتوقفت D. C و هل في ادوية اتأجلت و لحد امتي و إيه المحاليل اللي ماشي عليها و إيه الادوية اللي موجودة و هل في ادوية محتاجين اهل المريض يجيبوها عشان ناقصة من العلاج اللي المريض محتاجه و نحلي بالنا لو الدكتور اوردر كان في ادوية once هتتاخد مرة واحدة يعني و هل عوضت بحاجة 6-الوصلات اللي متوصلة بالمريض سواء رايل او كانيولا او cvc او ماهوكر او permi cath او chest tube او درنقة او انبوبة حنجرية او الشق الحنجري او القسطرة البولية او الاكسجين و كام لتر و بنشوف تاريخ التركيب و اخر مرة اتغير عليها و المكان بتاعها متركبة فين ف جسم المريض و لو اي حاجة غير طبيعية حصلت 7- feeding Po بالفم و دا لو واعي و لو مش واعي هيتركبله رايل و ممكن صايم و ممكن مبياخدش تغذية بالفم NPO و إيه نوع التغذية و الكمية و مينفعش ياكل إيه و بنعوض بشرب مياه او محلول و لا لأ و لو بيرجع دم من الفم hematemesis او ظهر دم ف الرايل و طبعاً ف الحالة دي و اسمه open ryle بنكون مركبين كيس جمع بول بالرايل و بنسأل مركبه من امتي و فضل قد إيه و بيجيب كتير و لا لأ و لون محتوي المعدة اللي بينزل من الرايل ف كيس جمع البول و هل عملت غسيل معدة و لا لأ و لو عملت طلع نضيف و لا لأ IV تغذية عن طريق الوريد سواء TPN او Fresubin و هل صايم و ايه السبب عشان تحليل و لا عملية و لا ايه و هيصوم لمدة قد إيه 8- المحاليل و الادوية و المحاليل اللي ماشية بمعدل او rate و موجودة ع syrenge pump او جهاز infusion و ماشية بمعدل قد إيه و تاريخ فتح المحاليل دي و برضو ناخد بالنا من الادوية عالية الخطورة و من الاسم و التركيز و كام امبول و متخفف ع محلول إيه و كام سم و ماشي بمعدل إيه و هيفضل ماشي عليه لعند امتي و هيتكرر و لا لأ 9- التهوية ventilation نسبة spo2 طبيعية و لا لأ و هل نزل و لما نزل ايه التدخل و ايه السبب اللي خلاه ينزل هل المريض علي هواء الغرفة room air او هل متركب ع نيزل او ماسك أكسجين و كام لتر لو المريض اتحط ع ال cpap قبل كدا و اتحط كام ساعة و كام مرة ع مدار الشيفت و هيتحط تاني و لا لأ 10- الفنت M.V اتوصل ع الفنت و لا لأ لو اتحط امتي و اسم المود و المود اتغير و لا مستمر ع نفس المود و هل بياخد sedation و ايه هو و بمعدل كام و التيوبة متثبتة ع كام و الكاف بتاعها منفوخ و لا لأ عشان البالونة و هل حصل اي حاجة غير طبيعية خلال الشيفت 11- suction التشفيط مطلوب يتشفطله و لا لأ و إيه نوع القسطرة و اتفاحت امتي و متغلفة كويس عشان ال infection و بيتشفط للمريض كل قد إيه 6او 8 او 12 ساعة و لا ع حسب احتياج الحالة و لما بتشفط الاكسجين و ال Heart rate بينزل و لا لأ و لو حاجة نزلت اتصرفت ازاي و لما بيجيب افرازات كتير و لا قليل و لونها ايه و لا مبيجيبش أصلاً و هل بيجيب دم و انت بتشفطله و لو بيجيب بلغت الدكتور و لا لأ و اخر مرة شفطتله امتي 12- المعامل و متفرغة و متسجلة ف التذكرة و لا لأ و هل في مزارع و بعد نتيجة التحاليل لو حاجة واقعة الدكتور قالك تعوضها بإيه و كام امبول (كالسيوم مثلاً) و ع محلول إيه و هيتكرر و لا لأ و ال ABG نوعه إيه ف النتيجة و اتسجل و لا لأ و بلغت الدكتور و لا لأ و لو غير طبيعي عملت إيه و بتشوف لو نسبة pao2 نازلة ف ABG و بتكون من 80 ل 100 لو قل عن 80 يبقا mild hypoxemia لو قل عن 70 يبقا moderate لو قل عن 60 يبقا severe 13- مشتقات الدم لو دم: اديت ادوية قبل او بعد النقل نقل كام كيس و ع مدار كام ساعة مشيت محلول ايه مع الدم و هيتنقله دم تاني بعد كدا و لا لأ و هل ظهر اي reaction زي صداع او الم ف الظهر او تورم ف مكان النقل او حرقان او الم ف مكان النقل لو بلازما: كام كيس و ع مدار قد إيه و هينقل تاني و لا لأ لو صفائح نفس الكلام 14- لو في أدوية ف التلاجة للمريض او دم او مشتقات صفايح و بلازما 15 - بتظبط خريطة السوائل حسب الدكتور اوردر و لو المريض قطع urine بتبلغ الدكتور و اخر stool امتي عشان نومة السرير بتسبب constipation
6
1
