ලසන්ත ඝාතනය කර අදට වසර දහසය යි.......!
=====================================
එක් වංචාවක් වසා ගැනීමට ලසන්ත ඇතුළු තවත් ජීවිත කීයක් බිලි ගෙන තිබේ ද.....?
=====================================
ඩොලර් මිලියන 8.5 ක් වංචා කළ "මිග් - 27" ගනුදෙනුවේ අගමුල..........!
========================================
ශ්රී ලාංකීය දේශපාලන ඉතිහාසයේ නොමැකෙන වඩා තුච්ඡ, වඩා අසික්කිත කාල පරිච්ඡේදයක් වේ නම් , ඒ නිසැකවම "චෞර" රාජපක්ෂ පාලන කාල පරිච්ඡේදය යි. මනුෂ්ය ඝාතන , මහා පරිමාණ දූෂණ, වංචා අතොරක් නැති දේශපාලන කුමන්ත්රණ , බලය ඩැහැ ගැනීම වෙනුවෙන් ජාති වාදය , ආගම් වාදය පැතිරවීම ඇතුළු "ජඩ" දේශපාලනය රාජපක්ෂ පවුල් දේශපාලනයේ "මූල ධර්ම" බවට පත්ව තිබේ. ලසන්ත වික්රමතුංග ඝාතනයත් රාජපක්ෂ මිලේච්ඡ දේශපාලනය තුළ සිදුකරන ලද මනුෂ්ය ඝාතන අතුරින් එක් සුවිශේෂී මනුෂ්ය ඝාතනයකි.
යුධ උන්මාදය අස්සේ කළ ආයුධ ජාවාරම
==================================
=යුද්ධය පොපියන "උන්මාදයක්" බවට පත්කර තිබූ ශ්රී ලාංකික බහුතර ජන සමාජයේ අන්ධ වුණු ඇස් ඉදිරිපිට සිදු කරන ලද මහා පරිමාණ වංචා , දූෂණ අතර යුද්ධය සදහා ගෙන්වූ අවි ආයුධවලින් කළ ගසාකෑම්වල කෙළවරක් නොවීය. එකී ගනුදෙනු පාර්ලිමේන්තුවේ හෝ විගණකාධිපතිවරයාගේ විගණනයට පවා භාජනය නොවීය. මෙකී ආයුධ ජාවාරම් අතර ප්රධාන පෙළේ වංචාවක් වූයේ "මිග් - 27" ප්රහාරක යානා 06 ක් මිලදී ගැනීමේ වංචාව යි.
ශ්රී ලංකා ගුවන් හමුදාවට "මිග් - 27" ප්රහාරක යානා 06 ක් මිලට ගැනීම..!
================================
ශ්රි ලංකා ගුවන් හමුදාවට යුක්රේනයෙන් "මිග් - 27" ප්රහාරක යානා 06 ක් මිලදී ගැනීමේදී එවකට එක් ප්රහාරක යානාවක සාමාන්ය මිල ඩොලර් මිලියන 1.2 ක් වූ විට ශ්රි ලංකාව මිලදී ගෙන ඇත්තේ ඩොලර් මිලියන 2.4 ක මිලකටය. ඊට අමතරව රජයන් දෙකක් අතර සෘජු ගනුදෙනුවක් බව ප්රකාශ කර තිබුණ ද , මහජන බැංකුව අදාළ ණයවර ලිපි නිකුත් කර තිබුණේ තුන්වැනි පාර්ශ්වයක්වන එංගලන්තයේ "බෙලිමිස්ස හෝල්ඩීන්ස්" නමති සමාගමකට ය.
මේ ගනුදෙනුව යට සිටි මහ මොළකරු වුයේ එවකට රුසියාවේ තානාපති ලෙස කටයුතු කළ රාජපක්ෂ පවුලේ ළගම ඥාතියකු වූ උදයංග වීරතුංගයි.
පසුව කළ සොයා බැලීමකදී එම සමාගම සාමාන්ය ප්රවාහන පහසුකම් සපයන එංගලන්තයේ බ්රිටිෂ්වර්ජින් දූපත් සමූහයේ ඇති කුඩා සමාගමක් බවට අනාවරණය වී තිබුණි.
2007 ජූලි " Sunday Leeder" හෙළිදරව්ව
================================
මෙකී වංචාව මුලින්ම රටට හෙළිදරව් කරන ලද්දේ "Sunday Times" පුවත්පතේ ඉක්බාල් අතාස් විසිනි. එහෙත් ඉන්පසු නොනවත්වා දිගින් දිගටම මෙකී වංචාව අකුරක් නෑර රටට හෙළිදරව් කළේ "Sunday Leeder" පුවත්පතේ කර්තෘ ලසන්ත වික්රමතුංග විසිනි. මෙකී වංචාවට එවකට ආරක්ෂක අමාත්යාංශයේ ලේකම් ගෝඨාභය රාජපක්ෂ සෘජුවම සම්බන්ධ බව ලසන්ත වික්රමතුංග නොබියව රටට හෙළිදරව් කළේ ය.
මෙකී හෙළිදරව් කිරීමට තදින් උරණ වූ ගෝඨාභය රාජපක්ෂ ලසන්ත වික්රමතුංග බියට පත් කිරීම පිණිස Sunday Leeder " පුවත්පතට එරෙහිව බිලියන ගණන් වන්දි ඉල්ලා නඩු පවරන බවට දිගින් දිගටම එන්තරවාසි එවී ය. ඒ කිසිවක් ශත පහකට මායිම් නොකොළ ලසන්ත වික්රමතුංග තම හෙළිදරව් කිරීම අඛන්ඩව සිදු කළේ ය. ඔහුට තිබු ප්රබලම ශක්තිය වුයේ "Sunday Leeder" පුවත්පතේ අයිතිය ද වික්රමතුංග පවුල සතුව තිබීම ය.
තමා පිළිබඳ ලිපි පළ කිරීමට එරෙහිව වාරණ නියෝගයක් ලබා ගැනීම.......!!
=================================ගෝඨාභය රාජපක්ෂ තමා පිළිබඳ Sunday Leeder පුවත්පතේ ලිපි පළ කිරීම තහනම් කරන ලෙස ඉල්ලමින් ගල්කිස්ස දිසා අධිකරණයෙන් වාරණ නියෝගයක් ලබාගත්තේ ය. ගෝඨාභය රාජපක්ෂගේ එකී වාරණ නියෝගයට එරෙහිව ලසන්ත වික්රමතුංග අභියාචනාධිකරණයට ගිය අතර අදාළ පෙත්සම විභාග කිරීමට අභියාචනාධිකරණය තීරණය කළේ ය. එකී නඩුවට පෙනී සිටියේද නීතිඥයකුද වූ ලසන්ත වික්රමතුංගම ය. එහෙත් අභියාචනාධිකරණයේ පෙත්සම විභාගයට දින කිහිපයකට පෙර ලසන්ත ඝාතනයට ලක්විය.
"Sunday Leeder" මුද්රණාලයට ගිනි තැබීම සහ "සිරස" රූපවාහිනීයට ක්ලේමෝ ප්රහාරයයක් එල්ල කිරීම......!!
===================================
"කෙක්කෙන්" හෝ "කොක්කෙන්" තම වංචා , දූෂණ , අපරාධ හෙළිදරව් වීම වළක්වා ගැනීම පිණිස ඒවා හෙළිදරව් කරන මාධ්ය ආයතනද වනසා දැමීම අපරාධකාරන්ගේ ඉලක්ක විය. එහි එක් ප්රතිඵලයක් ලෙස රත්මලේ පිහිටි Sunday Leeder පුවත්පත මුද්රණය කරන වර්ණ මුද්රණාලයට ගිනි තබා අති විශාල අලාභයක් සිදු කළේ ය. එකී මුද්රණාලය පිහිටා තිබුණේ රත්මලාන ගුවන් හමුදා කඳවුර ආසන්නයේ අධි ආරක්ෂිත කලාපයේ ය.
ඊට අමතරව වරින් වර Sunday Leeder පුවත්පතේ පළවූ "මිග්-27" ගනුදෙනුව පිලිබදව තොරතුරු උපුටා දක්වමින් "සිරස" රූපවාහිනීයේ ද දින කිහිපයක් ප්රවෘත්ති විකාශය කෙරුණි. අවසානයේ ලසන්ත ඝාතනයට දින දෙකකට පෙර පන්නිපිටිය දෙපානම පිහිටි "සිරස" මැදිරි සංකීර්ණයට ප්රබල ක්ලේමෝ බෝම්බ ප්රහාරයන් එල්ල විය.
