گالوا الانسان طاقة
وانا ماعندي
جاي امشي واحلفلهم ماعندي طاقة
گالوا الانسان رغبة
بقيت اشرحلهم رغبتي طفت واندثرت
گالوا الانسان حلم
وبقيت اشرحلهم اني صارلي خمس سنين منايمة شلون احلم!
هم باگوا جفوني شلون اغمض واحلم؟
گلت لروحي
رفعي راسچ للسما وحلمي
مو ضروري الواحد يحلم بنومه
باگوا سماي!
گلت بقت يمي ارض الي انا بيها
وباوعت حواليني
هذن الشجرات الي داريتهن
سگيتهن بماي عيني
وهاي مو مفردة مستهلكة من اگولها بماي عيني
فـ فعلاً بماي عيني والليالي وتعب عيوني يشهدولي
كلما اشوف شجرة منهن اجاها تراب چنت اوگف گدامها
وانملي تراب واجر النفس
وصارت هالشجر هي عيوني وجفوني واحلامي
كل شجرة چنت اتخيل شلون رح اتفيه يمها لو صكتني شمس
وهالشجر تعبن ايديني
وصرت فلاح تعبان
يترجى السما تمطر
حتى هالشجرات تعمر وتثمر
كلما حاولوا يگطعولي شجرة لو ياخذون من ثمرها
چانوا ياخذولي الباقيلي من روحي
مانجحت،والسما مثلما شحت عليه
شحت على شجراتي
.
22
1September 1, 2026 498 15
