උතුම් නිකිණි පුර පසළොස්වක පොහොය දිනය අදයි! 🙏🏻
"උට්ඨානවතෝ සතිමතෝ සුචිකම්මස්ස නිසම්මකාරිනෝ සංයතස්ස ච ධම්මජීවිනෝ අප්පමත්තස්ස යසෝ'භිවඩ්ඪති"
📍අර්ථය:
උත්සාහවත් වූ, සිහි නුවණින් යුක්ත වූ, පිරිසිදු කයින් හා වචනයෙන් යුතු වූ, විමසා බලා කටයුතු කරන, ඉන්ද්රියයන් දමනය කරගත්, ධාර්මිකව ජීවත් වන, අප්රමාදී තැනැත්තාගේ යසස හා කීර්තිය දිනෙන් දින වර්ධනය වේ.
(ධම්ම පදය - අප්පමාද වග්ගය)
🔅 මහා කාශ්යප මහ රහතන් වහන්සේගේ මූලිකත්වයෙන් රජගහනුවර සත්තපණ්ණි ගුහා ද්වාරයේදී "ප්රථම ධර්ම සංගායනාව" පැවැත්වීමට කටයුතු සම්පාදනය වීම.
🔅 බුදුරජාණන් වහන්සේගේ අග්ර උපස්ථායක ආනන්ද හිමියන් රහත් භාවයට පත්වීම.
🔅 ඇසළ පොහොය දින වස් නොඑළඹි මහා සංඝරත්නය "පසු වස්" එළඹීම.
🔅 බුදුරජාණන් වහන්සේගේ ලලාට ධාතුන් වහන්සේ තැන්පත් කර සේරුවාවිල මංගල මහා සෑයේ කටයුතු ආරම්භ කිරීම.
ඇතුළු උතුම් ශාසනික සිදුවීම් රැසකින් ආලෝකවත් වූ මේ නිකිණි දිනය නොපසුබස්නා උත්සාහය, අප්රමාදය හා ධර්මාවබෝධයේ ආලෝකයෙන් අපගේ සිත් ප්රබෝධමත් කරන දිනයකි.
ධර්ම දීප්තියෙන් හදවත් ආලෝකවත් කරමින්, යහපත් සිතුවිලි සහ ප්රතිපත්ති පූජාවන් තුළින් ජීවිතය පින්වන්ත කරගනිමු.අවිද්යාවේ අන්ධකාරය දුරුවී, ප්රඥාවේ ආලෝකය පහළ වී, සැම සතන්ගේ සිත් ධර්ම ආලෝකයෙන් නැහැවෙන පින්බර නිකිණි පොහොය දිනයක් වේවා...! ☸️
නිපුන් මද්දුමගේ.#nikini #fullmoon #poyaday #අපි_තමයි_අහස
