သထုံမြို့တွင် ရထားနှင့် ကားတိုက်မှုဖြစ်ပွား
ယနေ့ စက်တင်ဘာလ ၁၉ ရက်၊ မွန်းလွဲ ၁ နာရီခွဲခန့်တွင် မွန်ပြည်နယ်၊ သထုံမြို့နယ် ဆင်ဖြူကျေးရွာအနီးတွင် ရန်ကုန်-မော်လမြိုင် ရထားသံလမ်းကူးနေရာ၌ ရထားနှင့် ကားတိုက်မှုဖြစ်ပွားခဲ့ကြောင်း သိရသည်။
ရထားနှင့်တိုက်မိခဲ့သည့် ကားမှာ Light Truck အမျိုးအစားဖြစ်ပြီး ဆင်ဖြူကျေးရွာဘက်မှ ပေါ်တော်မူကျေးရွာဘက်သို့ မောင်းနှင်လာစဉ်တိုက်မိခဲ့ခြင်းဖြစ်သည်။
ဖြစ်စဉ်ကြောင့် ကားမှာ လမ်းဘေးသို့ကျရောက်ခဲ့ပြီး ယာဉ်မောင်းမှာ ထိခိုက်ဒဏ်ရာရရှိခဲ့သဖြင့် အကြင်နာတွဲလက်လူမှုကူညီကယ်ဆယ်ရေးအဖွဲ့မှ သထုံခရိုင်ပြည်သူ့ဆေးရုံသို့ ပို့ဆောင်ပေးခဲ့ကြောင်းသိရှိရသည်။
အဆိုပါဖြစ်စဉ်နှင့်ပတ်သက်၍ ယာဉ်မောင်းအား ဥပဒေနှင့်အညီအရေးယူနိုင်ရေး သက်ဆိုင်ရာက ဆက်လက်ဆောင်ရွက်လျက်ရှိကြောင်း သိရှိရသည်။
မင်းရဲကျော်စွာ
2September 19, 2026 753 3
