ဥရောပမှာ နျူကလီးယားလက်နက်တွေ သုံးဖို့ အမေရိကန် စဉ်းစားနေဟုဆို
အမေရိကန်ဟာ ဥရောပမှာ နျူကလီးယားလက်နက်တွေ သုံးဖို့ကို အလေးအနက် စဉ်းစားနေတယ်လို့ ရုရှား နိုင်ငံခြားရေးဝန်ကြီးဌာနက ဆိုပါတယ်။
အမေရိကန် စစ်ရေးဗျူဟာမှူးတွေဟာ ဥရောပမှာ နျူကလီးယားလက်နက်တွေ အသုံးပြုနိုင်မယ့် အလားအလာကို အလေးအနက် စဉ်းစားနေကြတယ်လို့ ရုရှားနိုင်ငံခြားရေးဝန်ကြီးဌာနရဲ့ အထူးကိုယ်စားလှယ် အန်ဒရေး ဘီလိုဆော့ဗ်(Andrey Belousov) က RT သတင်းဌာနနဲ့ အင်တာဗျူးတစ်ခုမှာ ပြောကြားခဲ့ပါတယ်။
ရုရှားရဲ့ ဗျူဟာမြောက်မဟုတ်တဲ့ နျူကလီးယားလက်နက်တွေအကြောင်း ဆွေးနွေးမှုတွေစလုပ်ဖို့ အမေရိကန်က ကြိုးပမ်းနေတာဟာ ဥရောပမှာ တပ်စွဲထားတဲ့ အမေရိကန် နျူကလီးယားလက်နက်တွေရဲ့ ခြိမ်းခြောက်မှုအပြင် သူတို့ရဲ့ နျူကလီးယားဒုံးကျည် အစီအစဉ်တွေ၊ အစီအမံတွေဆီကနေ နိုင်ငံတကာရဲ့ အာရုံစိုက်မှုကို လွှဲဖယ်ပစ်ဖို့ လုပ်ဆောင်နေတာပဲ ဖြစ်တယ်လို့ ဘီလိုဆော့ဗ်က ဆိုပါတယ်။
"ဒီအန္တရာယ်အကြောင်း ပြောရမယ်ဆိုရင်၊ အမေရိကန်ပိုင်နက်ကို ဘာခြိမ်းခြောက်မှုမှ မပေးနိုင်တဲ့ ရုရှားရဲ့ ဗျူဟာမြောက်မဟုတ်တဲ့ နျူကလီးယားလက်နက်တွေအကြောင်းကို နိုင်ငံစုံ လက်နက်ဖျက်သိမ်းရေးဖိုရမ် အမျိုးမျိုးမှာ ဆွေးနွေးဖို့ ဝါရှင်တန်က တိုက်တွန်းနေတာကို မပြောဘဲနေလို့ မရပါဘူး။ ဒါဟာ အမေရိကန် စစ်ရေးဗျူဟာမှူးတွေက ဥရောပစစ်ဘက်ဆိုင်ရာ စစ်ဆင်ရေးနယ်ပယ်မှာ နျူကလီးယားလက်နက်တွေ အသုံးပြုဖို့ အလေးအနက် စဉ်းစားနေတယ်ဆိုတာကို ပြသနေတာပါ" လို့ သူက ပြောပါတယ်။
"ဗျူဟာမြောက် တည်ငြိမ်ရေးဆိုင်ရာ ညှိနှိုင်းမှုတွေ ဒါမှမဟုတ် ဆွေးနွေးမှုတွေကတစ်ဆင့် ရုရှားရဲ့ ဗျူဟာမြောက်မဟုတ်တဲ့ နျူကလီးယားလက်နက်တွေနဲ့ ပတ်သက်တဲ့ အချက်အလက်အမှန်တွေကို ရယူတာ၊ ဝင်ရောက်စွက်ဖက်တဲ့ ပွင့်လင်းမြင်သာမှု အစီအမံတွေ ချမှတ်တာ၊ ဒါမှမဟုတ် ဒီလက်နက်တွေကို လျှော့ချတာ - အထူးသဖြင့် လုံးဝဖျက်သိမ်းပစ်လိုက်တာမျိုးတွေက အမေရိကန်နဲ့ သူ့ရဲ့ မဟာမိတ်တွေအနေနဲ့ ဥရောပမှာ နျူကလီးယားလက်နက် အသုံးပြုလာနိုင်ခြေ ပိုများသွားစေလိမ့်မယ်" လို့ ဘီလိုဆော့ဗ်က ဆက်ပြောပါတယ်။
အမေရိကန်အနေနဲ့ သူ့ရဲ့ မဟာမိတ်နိုင်ငံတွေရဲ့ နယ်မြေတွေအပေါ် လက်တွေ့အသုံးချဖို့လောက်ပဲ သီးသန့် ချဉ်းကပ်နေတဲ့ လုပ်ရပ်တွေရဲ့ အန္တရာယ်ကြီးမားမှုကို ဥရောပနိုင်ငံတွေအနေနဲ့ အပြည့်အဝ သတိပြုမိသင့်တယ်လို့လည်း သူက အလေးအနက်ထား ပြောကြားသွားပါတယ်။
28
11
6August 30, 2026 2.3K 4
