لـَهـفِـةُ

انا بجبهة غَيابك ضايعتلي سنين
حَرب مِن طرف واحد بيها مَتبعثر
ومَثل الجَندي يوميه ألتحق بليل
ما تنّطيني اجازه اهمومَك تحَيّر
واتصوب واطيح وينزف الألبوم
وأرد مِن صورتَك لفراشي متأسّر
تعال الليل مايعبر شلون انساك
أحبك مِن الابهر واعبد السواك
لو شَمرت الفراش البي مَرض يعدي
يشمروني ولافرگاك ،
لو ماي الترشه امي وراي الصبح من اطلع
يلمونه ويغَسلونه ولا فَرگاك
تَريد تعَرف بيه شلون چان اجفاك
چني امَدد بسَديه وهَلي مِن حالتي مَلو
عدل وتعاملو عد راسي وي دفان
واعله الفاتحه انفقو
"كل ذَنيّ ولافَرگاك"
انا ما ردت اموت اعليك اموت وياك