مرتضى محمد: post #3745 — TG.ME

گبرنا على الطوبة و الدعبل وافلام الكارتون وشويه شغل ويه الوالد بالعطلة الصيفية وياها نروح خطار لبيت جدي وعمامي نتعلم سالفة براسها خير ونرجع للبيت الگه امي مسوية عصرونية ... واذا ردت اهاجر اروح لخوالي بالكوت الجمعة نتريك ونسبح ونروح للجامع ركض وراها نتغدى ونكمل واجبات المدرسة، وهسة الجهال بين الايباد والايفون وسهر الليالي ومن يغير جو يطلعوه للمول ويشوف الفضائح الا ما رحم ربي! لا يعرف يكتب ولا يسولف ، كلمة والثانية صفن وشفته بهتت ولا عنده مهارات التواصل ولا حتى إحترام مرات، ولا يرسم ولا بيه حيل يركض ولا يلعب شحيتان عايش على الجبس والاندومي وصار عمره ١٥ سنة يطلع عنده اكتئاب حاد والتهابات بالمجاري البولية! وروح منا تعال منا سمنة وترهل بالافخاذ ... عندك الحساب. عمي هذا جيل الفا مدري زت مدري .. تعبانيين بالعباس الا البعض العاظ على ايده ومربي جهاله خوش تربية. اما البنات سالفتهم عند بيبتي من تگعد اسالها. - سيف الله عبد العلي.