عارفه اني مختفية من يوم الامتحان بس انا جايه اتكلم زي كل مره و اختفي تاني كالعادة
من يوم الامتحان وانا حرفيًا أول مره احس ان القلق بيقضي عليا بالتدريج بالشكل دا
انا تقريبًا عمري ما مريت ولا همر بفترة زي اللي انا فيها دلوقتي
فكرة اني قاعدة شايفه القلق وهو بيخليني بالشكل دا صعب اوي
فكرة اني مستنية مادة واحدة انجح فيها بس عشان اخلص من السنة دي و ادخل معهد أو جامعة المهم ادخل اي حاجة و انسى ثانوية عامة دي ( احاول انسى) كل حاجة فيها وابدأ من جديد
طب و دماغي؟!!
اللي مش راضيه تسكت أبدًا
مبتوقفش خالص بأي طريقة طيب؟
ما هو انا كده هنتهي من الوجود طب والحل!
دا غير الشغل و ضغطه اللي بيزيد كل يوم و صحتي بقت شبه مش موجودة
مش عارفه بجد، مش عارفه اعمل ايه
طب والبيت؟
وأهلي!
طب هو حرام يعني الواحد يحس انه عنده حاجة واحدة بس حتى بيحاول عشانها!
حاجة واحدة ناجح فيها تخليه يعرف يكمل!
تخليه يعرف يسيطر على القلق اللي بياكل فيه طول الوقت!
اللي تقريبًا لو كان عندي مرض أو حاجة كان هيبقى اهون عليا على الاقل كنت هفضل مركزة في المرض اللي عندي و معرفش اركز في كل اللي انا فيه دا!
بس الحمد للّٰه عمومًا
July 22, 2026 66
