من يومين كنت مسافر الأقصر بخلص حاجة كدا، المهم بعد ما خلصت كل حاجتي وخلاص قررت اني اروح، فـ وأنا مروح كان خلاص القطر باقي علي مِيعادُه 10 دقايق، ولو ملحقتهوش هضطر اقعد للقطر إللي بعده ودا هيأخرني ساعة ونص، وفعلاً وصلت المحطه كان باقي 3 دقايق علي الميعاد ولما روحت الشباك أحجز قاللي الحجز قفل علي القطر دا احجز فـ اللي بعده، زعلت وقولت يااه كدا هروح متأخر ساعة ونص ويمكن اكتر، بس يشاء القدر ان القطر اللي انا زعلت اني ملحقتهوش ده يعطل فـ المحطه ويتأخر ساعة وحاجه، وركبت القطر اللي بعده اللي انا قولت عليه هيأخرني ويشاء القدر ان القطرين تقريباً مشيو ورا بعض مفيش فرق كتير، علطول جه ف بالي الآيه دي "وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ" قد اي ساعات الإنسان مش بيبقي عارف ان المنع بيبقي فيه الخير .
2
64
11
7
6
6
64
11
7
6
6September 1, 2026 587
