تضمین
ﺗﺎ ﺟُﻨﻮن رَﺧﺘﻴﻦ ﮔﺌﻴﻴﺐ ﺗﻮﺗﺪوم ﻓَﻨﺎ ﻣُﻠﻜﯚن وَﻃﻦ،
اَهلِ ﺗﺠﺮﻳﺪم، ﻗﺒﻮل ائتمم ﻗَﺒﺎ و ﭘﻴﺮهن،
هر ﻗﺒﺎ و ﭘﻴﺮهن گئیسم ﻣﺜﺎلِ غنچه، ﻣﻦ،
'' ﮔﺮ ﺳﻨﻴﻦ ﭼﯚن ﻗﯧﻠﻤﺎﺳﺎم ﭼﺎک، اﯼ ﺑﺖِ ﻧﺎزک ﺑﺪن!
ﮔﺆرۆم اۏﻟﺴﻮن اۏل ﻗﺒﺎ ﭘﻴﺮاهن اَگنیمده کفن. ''
ﮔﺮﭼﻪ سوداﯼِ ﺳﺮِ زُﻟﻔﯚندﻩﻳﻢ زار و ذﻟﻴﻞ،
کئچمن اۏل سودادان اۏﻟﺪوﻗﺠﺎ ﻣﻨﻪ ﻋُﻤﺮِ ﻃﻮﻳﻞ،
ﺳﺎﻧﻤﺎ ﺗﺮک اﺋﺪﻩم ﺑﻮ سوداﻳﯽ، ﮔﺮ اۏﻟﺴﺎم ﻣﻦ ﻗﺘﻴﻞ،
''چیخماﻳﺎ سوداﯼ زُﻟﻔﯚن ﺑﺎﺷﺪان اﯼ ﻣﻪ! ﮔﺮ ﻳﯚز اﻳﻞ،
اُﺳﺘﺨﻮانِ کلّهم اﻳﭽﺮﻩ ﺗﻮﺗﺴﺎ ﻋَﻘﺮبﻟﺮ وﻃﻦ.''
ﻏﺎﻟﺐ اۏﻟﻤﻮش صبحدم ﺷُﻮقِ ﮔﯚل روﻳﻴﻦ بانا،
سیرِ ﺑﺎغ اﺋﺘﺪﻳﻢ کی ﺑﻮﯼِ ﮔﯚل وﺋﺮﻩ ﺗﺴﻜﻴﻦ ﺁﻧﺎ،
ﮔﯚل ﮔﺆرۆب ﻳﺎدینﻟﻪ دُرِّ اَشک ﺳﺎچدیم هر ﻳﺎﻧﺎ،
''دۆﺷﺪۆ ﺷﺒﻨﻢ، ﺑﺎﻏﺎ ﮔﻴﺮ، ﺗﺎ ﮔﯚل ﻧﺜﺎر اﺋﺘﺴﻴﻦ ﺳﺎﻧﺎ،
ﺳﺒﺰﻩﻧﻴﻦ هر برﮔﻴﻨﻪ بیر دُرّ ﺗﺎﭘﺸﯧﺮﻣﯧﺶ ﭼَﻤﻦ. ''
دﺋﺮ اﻳﺪﻳﻢ اﯼ دل! ﮔﺘﻴﺮﻣﻪ هیچ دَرد اَهلینه شَک،
ﺗﺎ ﺳﻨﯽ هم ﺳﺎﻟﻤﺎﻳﺎ ﺑﻴﺮ دَردﻩ دُوران فلک،
ﺁﻟﻤﺎدﯦﻦ ﭘﻨﺪ، اﻳﻨﺪﯼ ﻋﺎﺷﻖﺳﻦ، اﻳﺸﻴﻦ ﺁﻩ اﺋﻴﻠﻪمک،
'' اﯼ ﮐﺆﻧﯚل! ﻋﺸﻖ اَهلینه هر دَم ﮔﯚﻟَﺮدﻳﻦ ﺷﻤﻊ تک،
ﺑَﻦ دﺋﻤﺰﻣﯽدﻳﻢ کی ﺑﻴﺮﮔﯚن ﺁﻏﻼﻳﺎﺳﯧﺪﯦﺮ ﮔﯚﻟَﻦ؟ ''
ﺧﻮاﻩ ﺳَﻨﺠﺎب اﺋﻴﻠﻪﺳﻦ ﻓَﺮﺷﻴﻦ ﻓﻀﻮلی، ﺧﻮاﻩ ﮔﯚل،
هجردن ﻣﻄﻠﻖ ﻳۏﺧﻮ ﮔﺆرﻣﺰ ﮔﺆز، اگلهﻧﻤﺰ ﮐﺆﻧﯚل.
ﻳﺎرﺳﯧﺰ ﻋﺸﻖ اَهلیﻧﻴﻦ دینلنمه گی ﻣﻤﮑﻦ دگیل.
'' ﻧﺌﺠﻪ دﻳﻨﻠﻨﺴﻴﻦ "ﺣﺒﻴﺒﻲ" ﺳﻦ ﺳﻴﺰ اﯼ اﻧﺪاﻣﯽ ﮔﯚل؟
ﭼﻮن ﺑﺎﺗﺎر جسمینه ﺗن ده هر ﺗﯚک اۏﻟﻤﻮش ﺑﻴﺮ دﻳﻜَﻦ.''
#حبیبی_فضولی
@mollafuzuli
6
1August 20, 2026 494 5
