Klint İstvud oğluna maşın almadı — Skott isə bu dərsi hələ də xatırlayır.
Skott İstvud danışıb ki, gənclik illərində atasının ona avtomobil almaqdan imtina etməsinə çox əsəbiləşmişdi. Dünya şöhrətinə və milyonlarla dollarlıq sərvətə sahib olmasına baxmayaraq, Klint İstvud hesab edirdi ki, oğlu ilk avtomobilini özü qazanmalıdır.
Gələcəyin aktyoru dərsə və işə velosipedlə gedir, barmen köməkçisi kimi çalışır və pulun qədrini öyrənirdi.
Skottun sözlərinə görə, belə yanaşma Klint üçün tamamilə təbii idi. Böyük Depressiya dövrünün ab-havasında böyüyən aktyor həmişə köhnə məktəbin adamı olaraq qalıb: evdə heç bir “ulduz həyatı” yox idi — yalnız intizam, məsuliyyət və “ayaqqabını geyinmisənsə, get işlə” prinsipi.
Və əlbəttə, otaqdan çıxırsansa, işığı söndürməyi unutma.
“İndiyə qədər məndən soruşa bilər: «Lənət olsun, niyə işığı söndürməmisən?»” — Skott gülərək deyir.
Atasının ona verdiyi ən vacib məsləhətlərdən biri isə aktyor olmağa qərar verdiyi vaxt səslənib:
“Onun üçün santexnik, yoxsa aktyor olacağımın heç bir fərqi yox idi. Mənə dedi: «Nə iş görürsənsə, onu yaxşı gör. Təvazökar ol, çox çalış və kişi ol».”
5
2August 7, 2026 2.1K
