O‘zbekiston milliy terma jamoasi a’zolari 28–30 avgust kunlari Tailandda bo‘lib o‘tayotgan trek velosporti bo‘yicha Osiyo kubogi bahslarida mamlakatimiz sharafini munosib himoya qilmoqda.
Musobaqaning ilk kunidayoq hamyurtlarimiz o‘zlarining yuksak salohiyatini namoyish etib, O‘zbekiston sporti uchun quvonchli natijalarni taqdim etishdi.
Xususan, ayollar o‘rtasidagi “Individual Pursuit” — yakka quvish poygasi dasturida Samira Ismoilova barcha raqibalarini ortda qoldirib,
oltin medalni qo‘lga kiritdi! Oradan ko‘p o‘tmay, erkaklar o‘rtasidagi “Scratch” dasturida O‘zbekiston terma jamoasi yetakchilaridan biri Sergey Rostovtsev ham munosib tarzda shohsupaning eng yuqori pog‘onasidan joy oldi. U 150 ochko jamg‘arib, musobaqa g‘olibiga aylandi va
oltin medalni qo‘lga kiritdi! Muhtaram Prezidentimiz tomonidan sportga qaratilayotgan yuksak e’tibor va yaratilayotgan keng imkoniyatlar o‘zining amaliy natijalarini bermoqda. Tailanddagi Osiyo kubogida qo‘lga kiritilayotgan ushbu g‘alabalar — ana shu e’tibor, mehnat va izchil islohotlarning yorqin natijasidir.
Web-Sayt | Telegram | Facebook | Instagram | Youtube
