🚩نداء الوسط | شاهد على أفعال مليشيا الدعم السريع
#شاهد_عيان ... الله على م اقول شهيد
اكتر حاجة كانت مخيفة بالنسبة لي بعد اجتياح قريتنا من قبل قوات الدعم السريع في فبراير الماضي هي طريقة تعاملهم مع الاطفال وما سوف تتركه من أثر سلبي في نفوسهم لفترات طويلة ... اتخيلوا الناس ديل كانو لما يدخلو بيت ويلقوا فيهو اطفال بفرحوا لانها دي اكبر وسيلة ضغط ممكن يستخدموها ضدنا (يمسكوا طفلك قدام عيونك ويعمروا الكلاش في رأسه ويقولو ليك ح تطلع كل القروش والدهب والموبايلات الموجودة ولا نقتل الشافع دا) وفي مرة ضربوا طفل حتى اغمى عليه لانو فعلا اهله م كان عندهم حاجة داسنها لا قروش ولا دهب وفي مواقف تاني اجبروا طفل على حمل السلاح وامروهو ان يقتل واحد من ناس القرية ولما رفض ضربوهو ... دا غير اجبار الاطفال على الجري ثم اللحاق بهم بالمواتر واطلاق الرصاص تحت ارجلهم وهناك الكثير جدا من الحالات المشابهة او الاكثر وحشية. سنسردها لاحقا ان مد الله في الاجال.. حسبنا الله ونعم الوكيل
منقول بعناية
#نداء_الوسط
#middle_call
1September 3, 2024 387 2
