السفير الأميركي عند الاحتلال، مايك هاكابي، المعروف بعنصريته وانحيازه الواضح للصهيونية والاحتلال، نظم اليوم زيارة لترمسعيا برام الله بحجة إنه جاي يطمن على الناس ومعاناتهم مع اعتداءات المستوطنين.
بس خلينا نكون واعين إنه هذا هو نفسه السفير اللي شاري بيت بمستوطنة في بيت لحم، وهذا نفسه اللي بنظم زيارات للمستوطنات بالضفة وداعمها، وهو ذاته اللي صرح وقال إنه «لازم إسرائيل تسيطر على الشرق الأوسط»، وهو إلي حكى وصرح «لولا إسرائيل، ما كانت أمريكيا».
الزيارة هاي عبارة عن استعراض وبهرجة إعلامية، ومش رح تفيد أهلنا بشيء ولا رح تغير من الواقع إشي، وكل القصة إنها إجت بعد ضغوط من فلسطينيين معهم الجنسية الأميركية وتحركات من كم عضو بالكونغرس، يعني مجرد إبرة البنج لهذه التحركات، لا بتودي ولا بتجيب.
أما إنه الناس تتوجه للسفارة الأميركية، فهذا إشي أجى بعد التخاذل اللي شافوه من السلطة اللي تركتهم لوحدهم، وخذلتهم، وما وقفت معهم، بل بالعكس، تتآمر عليهم بدل ما تحميهم وما تركت لهم خيارات بالمرة.
194
11
8
7September 5, 2026 13.5K 14
