كلمتين للي قاعدين بسوقوا لقصة "اعتقال ضابط أمن داخلي من قلب غزة" عشان يقارنوه بإهانات الاحتلال لعناصر السلطة بالضفة، وبدهم يغطوا على خيانتهم ويحرفوا الحقيقة..
أولاً، هاد الضابط ما سلم حاله ولا نزل راسه للاحتلال وكلنا شفنا الفيديو، بالعكس، اشتبك معهم من نقطة صفر، وزوجته استشهدت وهي مشتبكة مع القوة الخاصة الصهيونية، يعني الرجل قاتل واستشهدت عيلته.
الفرق شاسع وكبير بينه وبين أجهزة السلطة بالضفة:، هاد الرجل بقاوم الاحتلال حتى آخر نفس، بينما ضابط السلطة بالضفة بنسق أمنياً معهم وبلاحق ولاد بلده والمقاومين، وبالآخر بتلاقيه بنهان وبعتقل وبتشلح وببلعها بدون ما يحرك ساكن ولا أي رد فعل عشان يلتزم بتعليمات القيادة "سد الذرائع وتفويت الفرصة".
في فرق كبير بين سلطة شغلتها تلاحق المقاومين، وبين ضباط أحرار بمارسوا دورهم الحقيقي بالمقاومة وبكونوا عرضة للاستهداف والاغتيال المباشر.
بكل تأكيد طبعاً في عساكر وضباط من السلطة بالضفة، نزعوا ثوب الخنوع واشتبكوا مع الاحتلال ونفذوا عمليات بطولية، ومع هيك السلطة نفسها لا نزلت فيهم بيان نعي ولا اعتبرتهم منها، وتنصلت منهم، رغم إنهم كانوا على رأس عملهم والنماذج كثيرة.
فخيطوا بمسلة غيرها والناس أوعى بكثير من إنكم تضحكوا عليها بهيك مقارنات تافهة ومكشوفة.
355
44
24
5September 2, 2026 22.6K 14
