تعرف ايه الاهم من انك تكون شاطر تيكنيكال؟
لأهم من اني ابقى احسن مهندس تيكنيكال فى الدنيا , اني اكون شخص بأخلاق ومهارات حميدة زي :التنظيم , التواضع , الصبر والمثابرة,عدم التواكل .. الخ من باقي الموضوعات ال اتكلمنا فيها قبل كده ,وده لأن فى الأول وفى الآخر احنا بنتعلم لأسباب منها ان يكون لينا تأثير مفيد فبدون الأخلاق الكويسه دى للأسف الموضوع ممكن يقلب عكس عليك وعلى ال حواليك.
النهارده هنتكلم عن سر من اهم اسرار نجاح المهندسين الكبار ,وهو انهم لما بيغلطوا بيعتذروا عادى جداً ويصححوا الغلط , مش بيقعدوا يكابروا فى الغلط او يدخلوا فى خناقات والموضوع يتحول لخناقات شخصية زي ما ساعات بنشوف حوالينا للأسف.
وكتوضيح بسيط لمثال عملي للخطأ ال نقصده ان حضرتك تكون بتستقى المعلومة من مصدرها وبتراعى الصح من الغلط على قد ما تقدر بس احياناً ممكن تخطئ ,وبالتالى مفيش اى حرج من التصحيح , ولا ده هيقلل من قيمتك ومكانتك بالعكس ده هيوضح مقدار الامانة عندك وخاصة ان كان الخطأ كان هيؤدي لكوارث زي ما ساعات بيحصل للأسف نتيجة المكابرة والاصرار على ان الواحد يمشي كلمته ايا كانت.
طبعاً الكلام نظرياً بيبقى سهل لكن لما الواحد بيتحط فى موضع وليكن استشاري فى موقع او محاضر او مهندس مسئول ساعتها للأسف عدم الاعتراف بالخطأ من قبلك مش بس بيفقدك المصداقية , بل انه ممكن يؤدي لأحداث ممكن تضر بحياة الناس فى الآخر.
على الجانب الآخر فيه نوعية بدأت تزيد من الناس وهي ان الواحد يكون شغال هبد فى اى حاجه ليل نهار وبعدين لما يتقفش يجي يقول ان كلنا بنغلط 😃 يبقى ده بيفقدك أهم نقطه فى المجال العلمى وهي المصداقية
وأخيراً أختم بأن الاعتراف بالخطا .. فضيلة !
بالتوفيق
م.كريم جابر
6
2August 26, 2026 5.2K 2
