ما تجرّب يا أخي؟ 👀
بتقعد تفكر:
آخد شهادة PMP؟ او اى شهادة احترافية في مجالي
أتعلم إنجليزي؟
اذاكر عن حاجه معينه في مجالي؟
أذاكر AI؟
أخد كورس او اذاكر كتاب علشان اطور من نفسي
وبعدين...
ننام... ونصحى... واليوم اللي بعده يبقى شبه اللي قبله. 😅
المشكلة دلوقتي مش إن المعلومة صعبة توصلها.
بالعكس، إحنا في عصر تقدر تتعلم فيه أي حاجة تقريبًا، سواء ببلاش أو بمبلغ بسيط جدًا.
طيب إيه اللي موقفنا؟
في رأيي... إحنا بنبص للهدف وهو في آخر الطريق، فبنحس إنه جبل مستحيل نطلعه. هو يعني ممكن قطره مياه
بس فيه حاجة دايمًا بنتغافل عنها...
قوة الخطوات الصغيرة.
عارف إن قطرة الميه لو نزلت مرة على صخرة مش هيحصل أي حاجة؟
لكن لو نفس القطرة نزلت آلاف المرات... هتعمل حفرة في الصخرة.
مش لأنها قوية...
لكن لأنها مستمرة.
ونفس الفكرة مع أي مهارة في حياتك.
الحقيقة مختلفة تمامًا.
ولا حد بيتعلم لغة في 15 يوم .
ولا حد بقى مهندس محترف في مجال جديد بيتعلمه في شهر
ولا حد خد شهادة وهو قاعد يبص لها كل يوم ويقول ياااه لو اخدتها ومرتبي اتظبط.
كل الناس دي بدأت... بخطوة صغيرة.
بدل ما تقول: هتعلم إنجليزي.
قول: هتعلم 10 كلمات كل يوم.
بدل: هخلص كورس 40 ساعة.
قول: هشوف 20 دقيقة النهارده.
بدل: هقرأ كتاب 500 صفحة.
قول: هقرأ 5 صفحات قبل النوم.
إحنا دايمًا بنقلل من قوة الخطوات الصغيرة.
لكن الحقيقة...
الخطوة الصغيرة اللي بتتكرر كل يوم، أقوى بكتير من دفعة حماس كبيرة تختفي بعد يومين.
قسم أي هدف لمراحل بسيطة، قابلة للتنفيذ.
ومتفكرش في المرحلة العاشرة...
فكر في أول خطوة بس.
بعد فترة هتبص وراك وتستغرب إن الحاجة اللي كانت باينة مستحيلة... بقت جزء من حياتك.
متستناش تبقى جاهز.
ابدأ بما عندك...
واعمل اللي تقدر عليه...
وبعدين كرر.
جرّب يا أخي... إنت مش خسران حاجة. ❤️
وخليك فاكر ان طريق الألف ميل , بيبدأ بخطوة واحده بس
بالتوفيق
م.كريم جابر
22
2
1August 24, 2026 10.7K 9
