بوست موجه للطلبة وحديثي التخرج
لو عاوز تكون مهندس مميز , لازم تتعلم ازاى توصل للمعلومة الصح بسرعه !
والمعنى هنا انك لازم تطور نفسك في نقطة البحث والاطلاع , لازم تبقى عارف لو حد سألك عن نقطة ما متعرفش عنها حاجه ازاى توصل للمعلومة الصحيحة بخصوصها في اسرع وقت , لأن المهارة دى من المهارات الاساسية ال بتفرق جداً بين المهندس المميز والمهندس العادي.
يعني ممكن اجي اسألك واقولك اقل عدد اسياخ في البلاطة كام مثلا؟ او يعني ايه المجمعة العشرية او حاجه في مسئوليات المالك والمقاول, او اسألك في تفصيلة فى شوب دروينج للأتصال بين العمود وبلاطة آخر الدور مثلا او حصر حاجه زي الجبسوم بورد او حتى ازاى بننفذ بند معين, طبيعي انت مش هيكون عندك
الطبيعي انك مش هتكون عارف اجابة كل حاجه , ولكن كمهندس مميز المفروض تكون عارف هتوصل لأدق اجابة لكل سؤال ازاى , هتفتح مرجع معين مثلا انت عارفه , وال هترجع للكود الفلاني وال هتفتح المواصفات القياسية ؟
طيب واعمل الكلام ده ازاى ؟ بالقراءة , انك تكون عارف ع الاقل الفهرس او الموضوعات ال الكتب بتتكلم فيها , يعني تفتح مثلا كتب د.القصبي ف التربة وتاخد فكرة عن محتواها , مش لازم تقرأ الموضوعات بتفصيل, لكن لما اجى اسألك على حاجه تخص التربة او الاساسات ع الاقل هتكون عارف انك هتدور في كتب القصبي وهكذا.
بالتوفيق
م.كريم جابر
5
3August 24, 2026 8.2K 3
