أبيـــات

اذا موبيك اسولف انه ما موجود
لان بس بيك اسولف كل وكت آنه
او تدري انته بمكانك بيه وين ايصير
بس اشويه اوخر تطلع اهنانه
مو بس انه احبك انه وانه هواي
وبعد مني عشرة انحبك ويانه
ادري انته بشر بس هالخضار منين
ابو البستان شافك حرك بستانه
الورد من شاف طولك بس عليه مريت
مايقبل بعد يكعد بسندانه
ادري شلون رايك يعني كلنه انموت
كول انموت كنه منين دفانه
الحانه وداعتك سكرت ناس اهواي
بس انته الوحيد السكر الحانه
بت هوفن امس لو سامعك ماصار
يم صوتك امس جا كعدن الحانه
يلوموني من اشوفك اسكت امن الخوف
عمي الشاف طولك ضيع السانه
ربك بالخلق سواك بس سواك
وانه وذوله مدري شلون سوانه

هاي انتي ليش ماكبرانه مثلي
اني كتلج هيج غيبي؟
ليش؟ ماكلتي
من الاول مو حبيبي
ليش؟ خليتيني أتاني

شالوك حتى من الحلم
وحلمك يجيني بلا صور
وبلا خلك
لمن افز يبجي الحلم
واثنينه اعلى الراس نتكابل ندك رادوني ماشوفك ابد
ويا حال من بعدك صرت
غصن وخذوني من الشجر
وذبوني يم نار الهجر
واليوم .. باجر .. احترك

انته وين . . . ؟؟

إيهاب المالكي ، جَبار رشِيد ، شيرين :

صدك شفت النهر
بس ما شربت الماي !
اتوسل على الكطرات رادوني

انه مو مره اجيت
من الفرح جايب ورد
بس ناسي اديه ؟
ليش ما مديتي اديج !!
هاهيه ويوم المبارك عليج
هاهيه واعتذر عن كلشي صار
اليوم الكط جروحي منج حتى اطيب
مثل ما يلكطون جكليت الصغار

جنت بوجودك قوي
ومكتمله شخصيتي
بس راح خوفك كلت راحت اهميتي
غير كافي ؟؟
غير بسها عيوني تبچي !
غير هذا الكلب بسه !؟
غير من صرا الافراك اقتنع وانسه ؟
ليش عايش كل تفاصيلك ليهسه !!
ليش كل مو زين يتعناك احسه
غير كافي غير كون الليل يهدى
والحزن يطفى وانام
غير كون الوكت بعدك
يبقى نفسه
وما تصير الساعه عام
غير كون اكعد
وارمم بأنكساري
ليش اعيش العمر جام
چا هيه بأديه حتى اعوفك
لو بيدي عيني تحب تشوفك
سوده بوجهي الافراك

انا بين هاي الناس مَريت
مِثل قارب ورَق والموج ضدة
المنطي عيوني يگلي شنطيت ؟
و انا الما تركت لشوفي وحدة
انا حتى على اليشمتون حنيت
و اصبر الگاعدين بجرحي گعدة
إذا ضلت على الشمّات ياريت
لكن لوعتي من الـ اني اودّة ...

ثَاريها الضِنَون
تخيب وتخٰيب
مِن ضَنيت بيك
تصيرلي أَوتاد
مَضيف المُبرد
يغِش المعازيب
ما سَيـَر عَليه
السيف لو حَادِ

مَشهد غيابك خرابه
وصوتِي مبحوحَ شيصِيح
الشوارع گِلها مسكونه
وصفيرّ وصَور ريح والهياكل
والجماجم مِلحمه والناس
كل الناس ميته، وحدي
أعَثر واطيَح
ولو خبرَ منك يجيَني
الناسّ تِعدل مِن جديد
ضوة يبيَن مِن بعَيد
مُطر ينزل ، شمسّ تضحك
المشانق تنصُب مرجوحه
لأطفال الشهيد
الورِد ،
الورد يطلع بالجماجم
لو تچيني
واقدملك أعَتذارِي
وانكساري وكُل حنيني
ولو گِلت هذا خطيه
ويامَا گتلك
من أديه تروحَ بسّ مو
من اديه
وياما گِتلك
شوفتني جنازة امي من
ثگل وجهك عليه
لـِ الشاعِر زيد السَومرّي