تحديث للذهب
الحركة يلي شفناها اليوم ما عادت مجرد تصحيح بسيط
الذهب بعد افتتاح السوق الاميركي تعرض لضغط بيع عنيف جدا ونزل من مناطق فوق 4600 لحدود 4464 تقريبا والسعر حاليا عم يحاول يعمل ارتداد من القاع وحوالين 4478
وبالنسبة لاستراتيجيتنا هلق اهم شي ما نعمل غلطة ونقول الذهب نزل كتير لازم نشتري
السوق ما بيهمه قديش نزل
بيهمنا وين رح يثبت
الهبوط كسر معنا مناطق دعم مهمة جدا 4575 وبعدها 4533 وبعدها 4500 ووصل مباشرة لمنطقة 4464
وهذا بيعني انو الاتجاه القصير حاليا بيد البائع بشكل واضح
لكن بنفس الوقت 4464 لحد 4475 منطقة مهمة جدا لانها عم تتقاطع مع منطقة سعرية قديمة واضحة على الصورة الكبيرة
لهيك من هلق لنهاية جلسة الجمعة عنا سيناريوهين
السيناريو الاول
اذا الذهب حافظ على 4464 وما قدر يعطي ثبات تحتها وبلش يرجع فوق 4485
هون ممكن نشوف ارتداد تصحيحي
اول هدف 4495
بعدها 4504
بعدها 4514
وبعدها 4525
اذا وصل 4525 وقدر يثبت فوقها وقتها الارتداد ممكن يتوسع باتجاه
4533
4545
4562
ولكن انتبهوا
الصعود من 4464 ما بصير عندي اتجاه صاعد لمجرد شمعتين خضر
هو ارتداد ضمن هبوط قوي لحد ما الذهب يرجع يسترجع مناطق 4525 وبعدها 4533 ويثبت فوقها
السيناريو الثاني وهو حاليا الاقوى
اذا الذهب حاول يرتد وفشل تحت 4495 او 4504 ورجع كسر 4470 فهون الضغط البيعي ممكن يرجع بسرعة
4464 هي بوابة الهبوط الجديدة
اذا انكسرت وثبت السعر تحتها
الهدف الاول 4453
بعدها 4443
بعدها 4430
واذا ما شفنا رد فعل قوي من هالمناطق فممكن يمتد الهبوط باتجاه
4415
وبعدها 4395
يعني باختصار
منطقة 4464 لحد 4475 حاليا هي منطقة الدفاع الاخيرة للمشتري خلال هالجلسة
ومنطقة 4495 لحد 4504 هي اول امتحان حقيقي لاي ارتداد
ومنطقة 4525 لحد 4533 هي منطقة الفصل المهمة
تحت 4525 انا بعتبر اي صعود ارتداد قابل للبيع بعد التاكيد
فوق 4533 والثبات هون منبلش نقول انو البائع خف ضغطه ونعيد حساباتنا
وفي شغلة مهمة جدا اليوم
الحركة القوية اجت بيوم مليان احداث اميركية من خطاب رئيس الفيدرالي وبيانات ثقة المستهلك ومراجعة الوظائف ومع هيك الصورة يلي قدامنا واضحة جدا وهي انو الذهب فقد مناطق دعم متتالية بسرعة ولهيك ما بصير نوقف قدام الزخم ونحاول نصيد القاع
قبل الخطاب كان الذهب حوالين 4600 والسوق اساسا متردد ببناء مراكز كبيرة بسبب جاكسون هول ومخاوف التضخم
والصورة الاسبوعية الاوسع بعدها ما بتعني انو الاتجاه الصاعد الكبير انتهى نهائيا لان الذهب جاي اساسا من موجة صعود قوية قرب 4700 وبعض القراءات الفنية الاسبوعية بعدها شايفة الميل الاوسع ايجابي رغم التصحيح الحالي
ولكن نحنا عم نحكي عن باقي جلسة اليوم
وهون ما منقاتل الحركة الموجودة قدامنا
خطة البيع
فشل تحت 4495 او 4504 مع تاكيد
4475
4464
4453
4443
4430
وخطة البيع الثانية
كسر 4464 وثبات تحتها
4453
4443
4430
4415
خطة الشراء
ما بدي شراء مباشر من القاع
بدي اولا دفاع واضح عن 4464 وبعدها استرجاع 4485
4495
4504
4514
4525
واذا ثبت فوق 4533 وقتها منقدر نخلي جزء صغير باتجاه 4545 وبعدها 4562
وبالنسبة للسكالب
بين 4464 و4485 منطقة عصبية جدا
ما منلاحق شمعة
اذا استرجع 4485 ممكن ناخد ارتداد قصير باتجاه 4495 و4504
واذا فقد 4464 ما منمسك السكين بايدنا ونقول اكيد بيرتد
منتركه يكمل وبنراقب 4453 وبعدها 4443
واهم نقطة اليوم بادارة الصفقة
بعد هالحركة الكبيرة ما بدي احجام عقود كبيرة
اذا تحقق الهدف الاول منأمن الصفقة
اذا تحقق الثاني منحرك الحماية
وما منرجع كل ربح اليوم للسوق بآخر ساعات الجمعة
الخلاصة
4464 مفتاح الهبوط
4485 اول مفتاح للارتداد
4504 اول مقاومة جدية
4525 لحد 4533 منطقة الفصل
تحت 4525 الافضلية للبائع
كسر 4464 بيفتح 4453 ثم 4443 ثم 4430
استرجاع 4485 بيفتح ارتداد على 4495 ثم 4504 ثم 4514
والتحول الحقيقي ما بعتبره موجود الا اذا رجع الذهب فوق 4533 وثبت
اليوم تحديدا مو يوم بطولة
اليوم يوم انضباط
الجمعة ونهاية الاسبوع وبعد حركة بهالقوة يلي ربح يأمن ربحه ويترك السوق هو يلي يثبت شو بده يعمل
قائد فريق النخبة
مازن اوطه باشي
11
1August 28, 2026 658
