खास ट्रोल करण्यासाठी...!
ट्रोल करण्याआधी एकदा ज्याच्यावर बोलताय, त्याचा प्रवास आणि त्याचं काम तपासा...!
DI चा पेपर फुटल्याचं समोर आलं आणि “हा फक्त DI चा विषय नाही; गट ब आणि गट कच्या परीक्षांवरही प्रश्नचिन्ह आहे” ही भूमिका मी सर्वप्रथम वर्गात मांडली.
दुसऱ्याच दिवशी आमच्या शिक्षक संघटनेची बैठक झाली. त्यानंतर लगेच विद्यार्थ्यांसोबत आपल्या जुन्या हॉलमध्ये बैठक घेतली. शिक्षक संघटनेतील शिक्षक आणि विद्यार्थी उपस्थित होते. त्यांच्यासोबत सविस्तर चर्चा केली आणि त्यानंतर दुसऱ्याच दिवशी राष्ट्रसेवा दलात मोठी बैठक झाली.
इथून हा लढा सुरू झाला… आणि आजही सुरू आहे!
आजपर्यंत आरोप झाले, ट्रोलिंग झालं, “मॅनेज झाले” असंही बोललं गेलं…
पण आम्ही थांबलो नाही आणि थांबणारही नाही.
कारण आम्हाला सोशल मीडियावर प्रसिद्धी नकोय; विद्यार्थ्यांना न्याय मिळवून देण्यासाठी काम करायचं आहे!
ज्यांना आमच्या कामावर शंका आहे, त्यांनी तोंडाने आरोप करण्यापेक्षा एकदा माझ्यासोबत SIT मध्ये मुंबईला चला.
काय माहिती दिली, कोणते मुद्दे मांडले, कोणते पुरावे दिले—हे सगळं प्रत्यक्ष पाहा!
आणि तरीही बोलायचंच असेल, तर माझ्या क्लासचं CCTV फुटेज पाहा. पेपरफुटीचा विषय समोर आल्यानंतर मी आणि माझी टीम किती तास या विषयावर काम करत होतो, हे त्यातून स्पष्ट होईल.
आंदोलनात दिसलो नाही म्हणून काम केलं नाही, हा निष्कर्ष काढणं म्हणजे अज्ञान!
मत मांडण्याचा अधिकार प्रत्येकाला आहे; पण वस्तुस्थिती न जाणता तोंडसुख घेण्याचा अधिकार कुणालाही नाही.
आणि ट्रोलिंगच करायचं असेल तर माझा ID देतो—
@YashwantSolat
तुमचे ट्रोलिंगचे मेसेज मला पाठवा. मी ते @maybolimarathi या टेलिग्राम चॅनेलवर टाकत जाईन.
किमान तुमचा आवाजही विद्यार्थ्यांपर्यंत पोहोचेल! 😉
आणि एक गोष्ट स्पष्ट—
हे माझं एकट्याचं काम नाही.
मी फक्त माझ्या भूमिकेबद्दल बोलतोय; पण आमच्या शिक्षक संघटनेतील प्रत्येक शिक्षक विद्यार्थ्यांच्या हितासाठी आपापल्या परीने काम करत आहे. हा लढा कोण्या एका व्यक्तीचा नसून विद्यार्थ्यांच्या न्यायाचा लढा आहे.
ज्यांनी यशवंत सोलाटला जवळून पाहिलंय, त्यांना स्पष्टीकरणाची गरज नाही.
बाकीच्यांनी आधी काम पाहावं… मग बोलावं!
प्रश्न माझा नाही…
प्रश्न विद्यार्थ्यांच्या भविष्याचा आहे!
245
31
10
7
3
2
1
1October 8, 2026 9.7K 9
