📢 MPSC परीक्षा प्रक्रियेबाबत काल महत्त्वाची पत्रकार परिषद पार पडली.
MPSC च्या परीक्षा प्रक्रियेतील पारदर्शकता, गोपनीयता, उत्तरदायित्व आणि विद्यार्थ्यांचा आयोगावरील विश्वास याबाबत निर्माण झालेल्या गंभीर प्रश्नांच्या पार्श्वभूमीवर आज स्पर्धा परीक्षा शिक्षकांच्या वतीने पत्रकार परिषद घेऊन शासनासमोर ठोस मागण्या मांडण्यात आल्या.
महाराष्ट्रातील लाखो विद्यार्थी अनेक वर्षे मेहनत करून MPSC च्या परीक्षांची तयारी करतात. या तयारीसाठी विद्यार्थ्यांचा वेळ, पैसा, मानसिक ऊर्जा आणि त्यांच्या कुटुंबांचा मोठा त्याग असतो. त्यामुळे परीक्षा प्रक्रियेतील कोणत्याही प्रकारची अनियमितता ही केवळ एका परीक्षेचा विषय नसून लाखो विद्यार्थ्यांच्या भवितव्याचा प्रश्न आहे.
मागील सर्व परीक्षांची सखोल चौकशी करून mpsc अध्यक्ष, सचिव व इतर संबंधित अधिकारी यांना तत्काळ पदावरून दूर करून त्यांची चौकशी करावी अशी प्रमुख मागणी करण्यात आली.
🔴 आमच्या प्रमुख मागण्या
🔹 प्रश्नपत्रिका फुटीच्या प्रकरणाची स्वतंत्र व निष्पक्ष चौकशी करण्यात यावी.
🔹 MPSC चे अध्यक्ष, सचिव व संबंधित अधिकाऱ्यांना तत्काळ पदावरून दूर करून त्यांची निष्पक्ष चौकशी करण्यात यावी.
🔹 मागील काही वर्षांतील सर्व संबंधित परीक्षा प्रक्रियेचे स्वतंत्र व सर्वंकष ऑडिट करण्यात यावे.
🔹 प्रश्नपत्रिका तयार करण्यापासून ते निकाल जाहीर होईपर्यंत प्रत्येक टप्प्यावर जबाबदारी निश्चित करण्यात यावी.
🔹 प्रश्नपत्रिकेची गोपनीयता राखण्यासाठी अत्याधुनिक Physical व Cyber Security व्यवस्था निर्माण करण्यात यावी.
🔹 मूल्यांकन, Moderation/Standardisation आणि मुलाखत प्रक्रियेत पारदर्शकता व Accountability आणण्यात यावी.
🔹 विद्यार्थ्यांच्या तक्रारींसाठी स्वतंत्र आणि प्रभावी Grievance Mechanism निर्माण करण्यात यावे.
🔹 मागील काही परीक्षांमध्ये निदर्शनास येणाऱ्या असामान्य गुणांतील वाढीची वस्तुनिष्ठ चौकशी करण्यात यावी.
🔹 राज्यसेवा मुख्य परीक्षा २०२५ मधील असामान्य गुणतफावतीची पुनर्तपासणी करून मूल्यांकन व Moderation प्रक्रियेबाबत स्पष्ट स्पष्टीकरण देण्यात यावे.
🔹 विद्यार्थ्यांना त्यांच्या उत्तरपत्रिकेच्या मूल्यांकनाबाबत अधिक पारदर्शक माहिती उपलब्ध करून देण्यात यावी.
📌 पुरावे तपास यंत्रणांकडे देणार
शिक्षकांकडे परीक्षा प्रक्रियेतील संभाव्य अनियमिततेसंदर्भात प्राप्त झालेली माहिती व उपलब्ध पुरावे संबंधित तपास यंत्रणांकडे सुपूर्द करण्यात येणार आहेत.
आमची भूमिका स्पष्ट आहे —
आरोप करणे हा उद्देश नाही; सत्य समोर आणणे आणि दोषी कोण असेल त्याची निष्पक्ष चौकशी होणे हा उद्देश आहे.
📍 मुख्यमंत्री महोदयांची भेट घेणार
या संपूर्ण प्रकरणाची सविस्तर माहिती मा. मुख्यमंत्री महोदयांना प्रत्यक्ष भेटून देण्यात येणार आहे.
MPSC च्या संपूर्ण परीक्षा यंत्रणेचे स्वतंत्र ऑडिट करावे, परीक्षा प्रक्रियेतील जबाबदाऱ्या निश्चित कराव्यात आणि चौकशीच्या कक्षेत येणाऱ्या संबंधित अधिकाऱ्यांना तत्काळ पदावरून दूर करून निष्पक्ष चौकशी करावी, अशी मागणी मुख्यमंत्री महोदयांकडे करण्यात येणार आहे.
⚠️ शनिवारपर्यंतची मुदत
आज पत्रकार परिषदेत मांडलेल्या मागण्यांवर शनिवारपर्यंत ठोस आणि सकारात्मक निर्णय झाला नाही, तर पुढील भूमिका स्पष्ट करण्यात येईल.
विद्यार्थ्यांच्या प्रश्नांकडे दुर्लक्ष करून ही बाब दडपून ठेवण्याचा प्रयत्न झाला, तर उपलब्ध तथ्ये आणि पुराव्यांच्या आधारे पुढील लोकशाही मार्गाने लढा अधिक तीव्र करण्यात येईल.
ही लढाई कोणत्याही व्यक्तीविरोधात नाही.
ही लढाई आहे —
✊ विद्यार्थ्यांच्या भवितव्यासाठी!
✊ त्यांच्या मेहनतीच्या सन्मानासाठी!
✊ परीक्षेतील पारदर्शकतेसाठी!
✊ आणि MPSC वरील विद्यार्थ्यांचा विश्वास कायम ठेवण्यासाठी!
“परीक्षा निष्पक्ष असावी,
प्रक्रिया पारदर्शक असावी,
जबाबदारी निश्चित असावी
आणि विद्यार्थ्यांच्या मेहनतीला न्याय मिळालाच पाहिजे!”
– स्पर्धा परीक्षा शिक्षक, महाराष्ट्र
#MPSC #MPSCStudents #MPSCExam #MPSCTransparency #MPSCNews #PaperLeak #स्पर्धापरीक्षा #MPSCविद्यार्थी #विद्यार्थ्यांचाआवाज #परीक्षापारदर्शकता #MPSCReforms #MPSC2025
99
24
9September 2, 2026 11.7K 18
