Xitoyda eng arzon tovarni topish — yaxshi xarid qilish degani emas.
Ko‘pchilik Xitoyga birinchi marta borganda bitta narsaga juda qattiq yopishib oladi:
“Eng arzon narxni topishim kerak.”
Aslida menimcha, bu noto‘g‘ri yondashuv.
Masalan, bitta mahsulotni birinchi sotuvchi sizga 30 yuanga aytdi.
Keyingisi 27 yuan.
Yana bittasi 24 yuan.
Odam avtomatik 24 yuanga berayotgan joyni eng yaxshi variant deb o‘ylaydi.
Lekin Xitoyda narx tushgani sari nimaning hisobidan tushganini tushunish kerak.
Material o‘zgardimi?
Qalinligi kamaydimi?
Ichidagi detal arzonroq qo‘yildimi?
Qadoqlash boshqachami?
Brak foizi yuqorimi?
Yoki siz gaplashayotgan odam ishlab chiqaruvchining o‘zi emasmi?
Ba’zida 2–3 yuan tejayman deb, keyin kelgan tovarning 10–15% brak chiqishi mumkin.
Yoki mahsulot yaxshi keladi, lekin logistikasini hisoblamagansiz.
O‘zbekistonga yetib kelguncha tannarxi bozorda sotilayotgan narxga yaqinlashib qoladi.
Shuning uchun men tovar olayotganda faqat:
“Necha pul?”
deb qaramayman.
Men uchun kamida 5 ta savol bor:
— Sifati qanaqa?
— Shu sifat doim bir xil chiqadimi?
— Sotuvchi qanchalik ishonchli?
— Logistika bilan real tannarx nechiga tushadi?
— Eng muhimi: men bu tovarni O‘zbekistonda nechiga va qancha miqdorda sota olaman?
Mana shu oxirgi savolga javob bo‘lmasa, Xitoydagi 20% arzon narxning ham foydasi yo‘q.
Savdoda foyda tovarni arzon olgan joyingizda emas, to‘g‘ri hisob qilgan joyingizda boshlanadi.
Men keyingi postlarda Xitoydan tovar olayotganda o‘zim ishlatadigan yana bir nechta oddiy filtrlarni yozaman.
Chunki Xitoyda tovar ko‘p.
Muammo tovar topishda emas. To‘g‘ri tovarni ajratib olishda.
🔥 Qoldirib keting
12
8August 14, 2026 2.1K 3 3
