مجلة السادس علمي

ثق إنو محاولاتك الّي ما نشافت،
هيَ مُقدَّرة ومحفوظة عند ربّ العالمين،
وبالوقت الّي يراهنون بيه علىٰ فشل سعيك ويشوفونك إنك مو گد هالمكان ولا هالمسؤولية،
أهل البيت يشوفون كلّ نتفة تعب قدّمتها بهالمكان وراح يكافئونك عليها،
فَ لا تخلّي سعيك ينشاف بعيون ما تقدّر ولا تعرفك،
خلّي ميزانك أعلىٰ وأرفع
خلّي ميزانك بالقبول همَّ الله وأهل البيت
مو الناس ولا غيرهم؛ لأن ما راح يعرفون ينصفونك،
مثل ما الله وأهل البيت يسوون وياك

لَا نُكَلِّفُ نَفْسًا إِلَّا وُسْعَهَا

توصل لمرحلة من التعب
تخونك بيها صحتك وجسمك وكلّ حواسك،
وهنا گد ما تكون متأذي علىٰ نفسك وتشوف شلون چاي تذبل،
بس تبقىٰ راضي علىٰ سعيك،
لأنك تقدّم كلشي تگدر عليه في سبيل توصل لليوم الّي ﴿وأنَّ سَعْيَهُ سَوْفَ يُرىٰ﴾،
من تكون ثمرة تعبك گدام عيونك وترضىٰ بيها،
وتعرف إنّ كلّ التعب الّي عشته چان يستاهل علمود هالنتيجة.

اللهُم أذقنا لذة الإجَابه بعد الإلحاح
وَ راحة اليقين بعد كلّ دعوة .

طُلاب نسألكم الدُعاء باجر اول امتحان فاينل ... ولكم مثلاه ما ننساكم🤍🙏🏻.

استوقفتنـي آيـة عظيمـة بسـورة مريـم:
﴿إن اللذيـن آمنـوا وعملـوا الصالحـات سيجعـل لهم الرّحمٰـن ودًّا﴾

"تخيّـل لمجـرد إنك تبقـىٰ إنسـان صالـح ومؤمـن، ربّ العالميـن يخاطـب الملائڪة وأهل السّمـاء علىٰ مـودك ويگللهُـم:
إنـي أحـب فلانًـا فأحبّـوه، وبعدهـا ينطيـك القبـول بالأرض ويـزرَع محبّتـك بجميـع خلقـه، وطبعـاً هاي مُڪافآة بسيطـة من مُڪافآت الدّنيـا
فما بالـك بالسعـادات المُبهـرة الي ضامهـا إلك بالآخـرة".

الله يجعلنـا من أحـب عبـاده ويرزقنـا القُبـول بالأرض والسّمـاء.🤍

البوت عطلان تكَدون دزون على القناة جوه يمكم المناقشات 👍🏻.

أيّام ثقيلة
كلّ الّي بيها هوَ السعي
السعي ...

لتخافون ميضيع تعبَـكم .
‏وَإن لَيسَ لِلإِنسانِ إِلّا ما سَعى۝وَأَنَّ سَعيَهُ سَوفَ يُرى۝ثمَ يُـجزاهُ الجزاءُ الأوفـى.

أحبُّ أن أرى أيديّ النَّاسِ وهي تلامسُ أحلامَهم،
وأقولُ: ياربِّ،أتِمَّها عليهم، وهب لنا.
ياربِّ،
هب لنا .

﴿لَا يُكَلِّفُ اللَّهُ نَفْسًا إِلَّا وُسْعَهَا﴾
﴿لَا يُكَلِّفُ اللَّهُ نَفْسًا إِلَّا مَا آتَاهَا ۚ سَيَجْعَلُ اللَّهُ بَعْدَ عُسْرٍ يُسْرًا﴾
﴿فَإِنَّ مَعَ الْعُسْرِ يُسْرًا إِنَّ مَعَ الْعُسْرِ يُسْرًا﴾.

ـ من تشوف نفسك بعدك تحاول، تقاوم، تواصل بجهد، وصابر علىٰ ما لم تحط بهِ خبرا، ومتأمل خير من كلّ الّي يمر عليك، تأكد أن رب العالمين الّي خصك بهالشي يعرف بيك أنت گدها، وأنك راح تعديها مثل الّي قبلها، الـ "لا يُكلف" تجي علىٰ مقاس قدرتك واستطاعتك بتجاوز الّي تعيشه، وممكن ما تعرف هالسر الّي بيها إلا من بعد ما تنجو من كلّ هذا.

تذكر إنو أنت بقيت تحاول لحد آخر لحظة وما استسلمت ولا خليت اليأس بأنك ما مكمل المادة يوگفك عن الإستمرار، تذكر إنو أنت سويت الّي تگدر عليه وكلّ الّي عليك ولآخر ثانية، وهالشي بحد ذاته ما راح يضيع عند رب العالمين.

تحاول.....تنجح او تخفق وعند رب العالمين ميضيع شي حاشاه

ما تحاول.... النتيجة محسومة وراح تخفق