كيف اراجع …؟ الآن بوضح لكم طريقة التدريب والمذاكرة… — مناقشة قناة أ/محمد المرشد أ/ مهنا الرحيمي — TG.ME

📑 كيف اراجع …؟ الآن بوضح لكم طريقة التدريب والمذاكرة. ——————————————— 🐇 طريقة الأرنب … سر الوصول للدرجة الكاملة في اختبار القدرات تبي تضمن درجة كاملة إن شاء الله؟ ركّز معي، لا تسرح ولا تتشتت. الطريقة جداً سهلة، لكنها تحتاج التزام، وصدقني لو طبّقتها بتشوف الفرق من أول أسبوع. ——————————————— ⚠️ شيء مهم قبل ما تبدأ تطبيق الطريقة أول شيء تسويه قبل ما تبدأ تطبق الطريقة أنك تقوم بطباعة الملف ورقي، وإذا ما تستطيع ذاكر من الآيباد، أو حل مع الأستاذ بقلم الآيباد وهو يشرح، عشان تترابط المعلومات بعقلك وما تنسى المعلومة. ——————————————— 🪂 اليوم الأول - أول قفزة • تذاكر “3” اختبارات للبنك فقط. 📺 يعني تتابع الفيديو { 1 ، 2 ، 3 } 1. تابع فيديو الشرح وافهم الفكرة. 2. جرّب اختبار الفيديو مباشرة. 🔚 بعد ما أنتهي من الاختبارات الثلاثة؟ • أعد الاختبارات الثلاثة كلها من جديد • الهدف هنا: تقوم بترسيخ الأساسيات. ——————————————— 🐇 اليوم الثاني - مضاعفة السرعة • تذاكر “3” اختبارات جديدة للبنك. 📺 يعني تتابع فيديو { 4 ، 5 ، 6 } • نفس الخطوة: شرح ثم اختبار لكل بنك. • وبعد ما تنتهي ترجع وتحل كل الاختبارات من الاختبار الأول إلى الاختبار السادس. • الحين بدأت المعلومات تترابط بدماغك. ——————————————— 🔁 اليوم الثالث - قوة التكرار • أيضاً تذاكر “3” اختبارات جديدة للبنك. 📺 يعني تتابع الفيديو { 7 ، 8 ، 9 } • كالعادة: شرح ثم اختبار. • وبعد ما تنتهي ترجع وتحل كل الاختبارات من الاختبار الأول إلى الاختبار التاسع. • الآن المعلومات صارت تثبت في ذهنك أكثر مع التكرار والمراجعة القوية. ——————————————— 🔁 اليوم الرابع - قوة التثبيت مراجعة كل الاختبارات من 1 الى 9 سواء ب الحل اليدوي أو الأكتروني ——————————————— 🐇 ليه اسمها طريقة الأرنب؟ ووش سلبياتها؟ اسمها طريقة الأرنب لأنك تقفز من اختبار إلى اختبار ثاني بسرعة البرق ⚡️، ومع كل يوم ترجع للبداية كأنك تسابق نفسك. والتكرار هو سرّ القوة، وكل مراجعة تزيد سرعتك ودقتك. ——————————————— 🚀 لو استمريت عليها وش بيتغير؟ خلال كم يوم بتلاحظ إنك تحفظ الأسئلة تقريباً وتفهم كل فكرة، ومع آخر يوم بتلاحظ إن مستواك تطور عن قبل، وراح تحل الأسئلة بالنظر. خلال كم يوم بتلاحظ إنك تحفظ الأسئلة تقريبا وتفهم كل فكرة ، ومع آخر يوم بتلاحظ انه مستواك تطور عن قبل وراح تحل الأسئلة بالنظر وذا الشيء راح يخليك تجيب 100 بسهولة من بعد توفيق الله 📉 سلبيات طريقك الارنب : الطريقة راح تطفشك في بالبداية ، وهذا شيء طبيعي لأن التكرار بطبيعته ممل، بس مع الوقت راح تتعود . ولا تنسى إن البداية دائما صعبة، وتذكر أن كلها شهر أو شهرين وراح وتعدّي بإذن الله ، انتم قدها أستمرو . ——————————————— 📌 تصحيح بسيط بخصوص طريقة المذاكرة: ذكرت سابقًا إنكم تشوفون المقاطع أول، وبعدها تختبرون الاختبارات. لكن انتبهوا ‼️ هذي الطريقة تطبقونها باللفظي فقط. أما الكمي ➗: حلّوا الأسئلة بنفسكم أول، ولا تشوفون الشرح مباشرة. وبعد ما تخلصون، ارجعوا فقط إلى: • ❌ الأسئلة اللي أخطأتم فيها. • 🧠 الأسئلة الصعبة اللي ما عرفتوا تحلونها. هذي فقط اللي تشوفون شرحها وتفهمون طريقة حلها، أما الأسئلة اللي قدرتوا تحلونها صح فما يحتاج تضيعون وقتكم بشرحها.