وش دموع العيون الشوق لو تكفيه دمعة عين بكيتك والعيون مقدره والنفس مشكوره على اطلالك وقوفي مايرد من السنين سنين كبر كلٍ على الغصن القديم وطارت طيوره سقى اللّٰه ليلةٍ نشري بها ضحكة رضانا دين يوم إن اغلب عيال الناس منهيه وماموره نقول اللي نبيه لبعضنا راضين زعلانين ياويل اللي يروح وكلمته تاقف بحنجوره كثر ما نشعر إنّا واحد إلا بالفراق اثنين يرجعنا الحنين لحاجةٍ فالبال محفوره شحيحه عند غيرك يوم أقول البيت والبيتين ومعك حتى اللي ماهي كامله ماهيب مذخوره من شروط الغلا اللي مايصير يصير للغالين تفرّد فالضلوع اللي عساها فيك معموره أحبك والعذاب اللي موّريني بعدك الشين ماهوب اللي يطلّع خاطرٍ شاريك من طوره عجزت ارضى بقول المقبلين ابدى من المقفين ياحظ اللي يصدّق نظرته ويكذّب شعوره .
July 28, 2026 1.3K
