البعيد اللي رمى الله في يدينك سرّه وأمّنت نفسه عليك وبيّحت خافيها ما جعل بعيونه الكون أصغر من الذرّه غير عبرة خاطرٍ فيها اللي مكفيها طالبك لا تيحت الفرصه تمره مرّه القلوب اللي مثل قلبي من يخليها ؟ قد نصحت عيونك اللي باللقى مسترّه العيون اللي يكحلها الجفا يعميها لا يجي بيني وبينك للمعاتب جرّه عوّد عيونك تنومها وأنا اصحيها حالف إن الوقت لك حلوه وأنا لي مره والحياة اللي ماعاد أنشدك عن تاليها لا ينسيك الزمان الله يكافي شرّه واحدٍ ياما عطاكيها ونفسه فيها فدوتك روحٍ ماهي بمحبتك مغترّه يا بعد ناسٍ تدانيني ولا ادانيها من سمع فيك القصايد قال لله درّه مادرى انك لا أنت سامعها ولا قاريها ما ورى حدب الضلوع إلا الزعل والحرّه والطعون اللي غلاها من غلا راعيها .
May 3, 2026 2.5K
