خمس سنين وأني كل ما أريد أگول " يمـة " ألتفت وأتذكر إنُ ماكو أحد راح يجاوبنـي بصوتچ
ما أعرف شلون مرت السنين ولا أعرف شلون الإنسان يگدر يكمل حياته وهو فاقد شَخص چان يعنيله كُلشـي بس اللي أعرفه إنچ ما رحتـي من بالي ولا يوم ، أكو أيام أشتاقلچ بيها بشكل ما أگدر أوصفه وأكو أيام أتمنـى بيها لو أگدر بس أرجع للبيت وأشوفچ گاعدة بمكانج حتـى لو ما أحچي وياچ بس أشوفچ وأطمن إنچ موجودة .
أتمنـى لو الزمن يرجعنـي لآخر يوم وياچ مو حتـى أغير شـي بس حتـى أحضنچ أكثر وحتـى أبقى يمچ أطول حتـى أگلچ شگد أحبچ لأن ما چنت أعرف إن ذاك الحضن وذاك الصوت وذاك الوجه وهذيج الدعوة راح يصيرون ذكريات أعيش عليهم سَنين .
2
381
381August 14, 2026 8.5K 52
