افتكروا الكلام ده كويس
أنا شايف إن الفترة اللي جاية فكرة إنك تدفع 20 دولار وتاخد باقة قوية من Claude أو GPT بالشكل اللي متعودين عليه دلوقتي مش هتفضل موجودة أصلا
ومع زيادة الاعتماد على ال AI والطلب على Compute وقدرات أقوى أنا متوقع إن الاستخدام الحقيقي اللي الناس هتحتاجه هيبقى أغلى بكتير من 20 دولار
وفي الوقت اللي ناس كتير بتبني اعتمادها الكامل على ال AI انت يا عزيزي ممكن أصلا تكون بتفكر هتجدد باقة النت 3 مرات في الشهر ازاي
وعشان كده بقولك ارجع ذاكر الأساسيات وامشي في الطريق الصح في المجال
استخدم ال AI عشان يسرعك ويساعدك مش عشان يبقى هو اللي شايلك بالكامل
لان في النهاية ده Business Model هدفه الربح
النهارده ممكن الشركات تديك سعر قليل وLimits كويسة عشان تدخل المنظومة وتتعود عليها
لكن لما ال AI يبقى جزء أساسي من شغلك وانت مبقتش عارف تشتغل من غيره ساعتها زيادة السعر أو تقليل ال Limits هتبقى مشكلة حقيقية بالنسبالك
ومتستغربش لو بعد فترة الـ 20 دولار اللي شايفها غالية النهارده تبقى أصلا مش موجودة كخيار مناسب ليك وتحتاج تدفع أضعافها عشان تاخد مستوى الاستخدام اللي اتعودت عليه
واللي يبني مستواه كله على Tool مدفوعة وهو لسه معندوش مصدر دخل ثابت ممكن يلاقي نفسه فجأة مش قادر يكمل بنفس الطريقة
الأساسيات اللي في دماغك مش محتاجة Subscription تتجدد كل شهر
واللي هيعتمد على ال AI بشكل كامل من غير ما يبني نفسه فعلا هو أكتر واحد ممكن يدفع تمن الاعتماد ده بعدين
September 30, 2026 11
