🇹🇭ထိုင်းဘာသာစကားလေ့လာနေသူတွေ Listening skill ကိုဘယ်လိုတိုးတက်အောင်လုပ်ကြမလဲ
.
.
ထိုင်းဘာသာစကားလေ့လာနေသူ
အများစု ညည်းညူ တတ်ကြတဲ့
" ထိုင်းဇာတ်ကားတွေကြည့်ရင်
အကုန်လုံးနားမလည်သေးဘူး။
တစ်ခါတစ်ခါဘာပြောလိုက်မှန်းမသိဘူး။ "
စတာတွေအတွက် အောက်မှာအဖြေရှိပါတယ်။
✨ စိတ်ရှည်ပါ ✨
ဘယ်ဘာသာစကားကိုပဲလေ့လာ လေ့လာ
အရေးကြီးတဲ့အချက်ပါ။ နိုင်ငံခြားဘာသာစကားတစ်ခုကို အခုမှစသင်ယူရတာဖြစ်တဲ့အတွက် အချိန်အတိုင်းအတာတစ်ခု ကတော့ပေးရမှာပါ။ နတ်ရေကန်ထဲပစ်ချလိုက်သလိုမျိုး ချက်ချင်းသင် ချက်ချင်းထိုင်းလူမျိုး တစ်ယောက်လို
မွှတ်နေအောင်တော့ ဘယ်ပြောတတ်ဦး
မလဲ 😊 စိတ်ရှည်ပါ။ ကိုယ်ရဲ့နေ့စဥ်ပုံမှန်အလုပ်လိုမျိုး ဘာသာစကားကိုလေ့လာသွားပါ။
✨ ကိုယ်တတ်မြောက်ထားတဲ့
ထိုင်းစာ level ကိုအရင်သိအောင်လုပ်ပါ။ ✨
ဒီအဆင့်ဟာ အတော်များများ မေ့ထားတတ်ကြတဲ့အဆင့်ဖြစ်ပါတယ်။ ကိုယ့် level ထပ်မြင့်တဲ့ စာတွေ၊ သီချင်းတွေ၊ရုပ်ရှင်တွေ
ကြည့်ပြီး ကိုယ်မရတဲ့အတွက် စိတ်ပျက်အားငယ်နေကြတဲ့သူတွေရှိလို့ပါ။
တီချယ်တို့ GYS က Beginner level ကျောင်းသားတွေဖြစ်လေ့ဖြစ်ထရှိတဲ့
အဆင့်ပါ။ အခုမှဘာသာစကား စလေ့လာနေတဲ့အချိန်ဖြစ်တဲ့အတွက် ထိုင်း Native တွေပြောတဲ့ အလုံးစုံကို နားလည်နိုင်မှာမဟုတ်တာ သဘာဝကျပါတယ်။
✨ သီချင်း/ Podcast
များများနားထောင်ပေးပါ ✨
သီချင်းနားထောင်ရတာမကြိုက်တဲ့သူလည်းရှားမယ်ထင်တယ်နော်။ အဓိကကတော့ ထိုင်းအသံတွေနဲ့ရင်းနှီးစေချင်တာပါ။ တစ်လုံးရရ ၊ နှစ်လုံးရရ ခေါင်းထဲကို ထိုင်းစာ ပေါ့ပေါ့ပါးပါးလေးရောက်သွားစေချင်တာပါ။
( ဘယ်အဆိုတော်တွေရဲ့သီချင်းနားထောင်ရမှန်းမသိရင် သီချင်းကောင်းကောင်းလေးတွေ ညွှန်ပေးမယ်နော်။ 💗)
✨ YouTube မှာ ကလေးပုံပြင်လေးတွေနားထောင်ပါ ✨
ဒီနည်းလမ်းလေးကတော့ တီချယ့်ကျောင်းသားတွေ လာလာမေးရင်ပြောပြလေ့ရှိတဲ့နည်းလေးပါ။ YouTube မှာ นิทานไทย လို့ရိုက်ရှာကြည့်ပါ။ ပြီးရင်ပုံပြင်လေးတွေတစ်ပုဒ်ပြီးတစ်ပုဒ်နားထောင်ကြည့်ပါ။ စကားပြောတာလည်း ဖြည်းဖြည်းမှန်မှန်လေးတွေပြောတဲ့အတွက် နားထောင်လို့မမှီလိုက်တာမျိုးတွေအရမ်းမရှိတော့ဘူးပေါ့။
✨ Native Thai တွေရိုက်တဲ့ Vlog လေးတွေကြည့်ပါ ✨
တီချယ်အရမ်းကြိုက်တဲ့လေ့လာနည်း
တစ်မျိုးပါ။ အစားအသောက်ချက်ပြုတ်တာ၊ ခရီးသွားတာ၊ စကားစမြည်ပြောတာ၊ Game ဆော့တာ၊ ကျန်းမာရေးနဲ့ပတ်သတ်တာ အစုံပေါ့။ ကိုယ်ကြိုက်ရာရွေးကြည့်လို့ရတယ်။ တီချယ်ကတော့ Category မခွဲဘဲ ကိုယ်ကြိုက်တဲ့ artist တွေနဲ့ဆိုင်ရာ channel တွေ subscribe လုပ်ပြီးတင်သမျှဝင်ကြည့်တာပဲ 😊 Advanced level ကျောင်းသားတွေ ဆိုရင်လိုက်နားထောင်ကြည့်နော်။
✨ မြန်မာစာတန်းထိုးတာတွေကို အားမကိုးပါနဲ့။ ✨
အခုခေတ်ဟာ ဘာသာပြန် ဇာတ်လမ်းတွဲတွေ ရုပ်ရှင်တွေ လွယ်လွယ်ကူကူကြည့်နိုင်တဲ့ခေတ်ပါ။ ဒါကြောင့် သင်ဟာထိုင်းစာလေ့လာနေတဲ့သူတစ်ယောက််ဆိုရင် မြန်မာစာတန်းထိုးတွေကို တက်နိုင်သလောက်မကြည့်ပါနဲ့။ဘာသာပြန်တဲ့သူတစ်ယောက်နဲ့ တစ်ယောက် လည်းအာဘော်မတူကြပါဘူး။ သင့်အကြားစွမ်းရည်ကိုပဲအားကိုးပါ။အသံကိုပဲအားစိုက်နားထောင်ပါ။ မြန်မာလို စာတန်းထိုးတာကိုပဲအဆင်
သင့်လိုက်ဖတ်နေမယ်ဆိုရင် အကြားစွမ်းရည်ထင်သလောက်မတိုးတက်ပါဘူး။
.
အပေါ်မှာဖော်ပြပေးသွားတဲ့ နည်းလမ်း
လေးတွေဟာ တီချယ်ကိုယ်တိုင်သုံးခဲ့တဲ့လွယ်ကူရိုးရှင်းပြီးထိရောက်တဲ့နည်းလမ်းလေးတွေဖြစ်ပါတယ်။ ဘယ်သူမဆိုလိုက်လုပ်လို့ရပြီးတော့ တစ်မျိုးတစ်ဖုံအကျိုးရှိသွားရင်ပဲ တီချယ်ရေးရကျိုးနပ်ပါပြီ။
- Tr. Youn Nadi Thwin Oo (GYS)
မကြာခင်မှာလည်း Telegram Channel ကနေ Listening ပိုင်းအခမဲ့လေ့ကျင့်ပေးမယ့် အစီအစဉ်လေးရှိလို့ စာလုပ်ဖို့ အဆင်သင့်လုပ်ထားတော့နော်ခ 😍
153
2September 6, 2026 3.2K 3 8
