شلون تبقى عايش مدى الحياة ؟
أكيد بعد ما قريت موضوع البارحة اجة بالك هذا السؤال :
ليش ما نفعل إنزيم Telomerase تيلوميريز بكل خلايا الجسم ونعيش عمر أطول؟قبل لا أدخل بالجواب ، ركز وياي على هاي المعلومة الأساسية
الله سبحانه وتعالى خلق جسم الإنسان بحكمة دقيقة مو صدفة ولا عبث إنما نظام يضمن استمرارية الحياة بدون ما يفلت من السيطرة.
كل خلية من خلايانا تنقسم عدد معين من المرات يسموه Hayflick limit مثلا 50 انقسام وكل انقسام … يصير نقصان بسيط بالتيلومير.ليش ينقص؟ لأن الجهاز المسؤول عن نسخ الـ DNA
، اللي نسميه DNA polymerase ما يكدر ينسخ الطرف الأخير من الكروموسوم بالكامل ، فكل مرة نخسر شويه من التيلومير.
ومع الوقت … التيلومير أقصر ويوصل لمرحلة الجسم يكول : هاي الخلية "خلص … وصلت للحد ، لازم أوقف انقسامها وتموت"
وهذا جزء من حكمة الخلق حتى :
تمنع تراكم الأخطاء تمنع الطفراتتمنع الخلايا تخربط وتتحول سرطان
أكو خلايا ، الله سبحانه وتعالى خلاها تختلف :
الخلايا الجنسية (Germ cells)
الخلايا الجذعية (Stem cells)الخلايا المناعية (Immune cells)هذن لازم يبقن يتجددن طول العمر لأن مهمات كلش بدونهن تموت وتنتهي الحياة ف عدهن قدرة يشغلن إنزيم Telomerase تيلوميريز حتى يرجعلهم التيلومير إذا نقص وبالتالي الانقسامات تبقى مستمره.
زين … هسه نرجع للسؤال : ليش ما نطبق هاي الفكرة على باقي خلايا الجسم؟
شوف إذا فعلنا Telomerase بكل خلايا الجسم ، الخلايا ما تموت بعد وهذا بالبداية يبين "شي حلو". بس الحقيقة؟ هاي كارثة بيولوجية ، الخلايا مع الوقت تجمع طفرات وأخطاء بالـ DNA ، وانحرافات بالكروموسومات وهنا الخلية لازم تموت بس إذا فعلنا التيلوميريز بكل الخلايا هنا الخلية التالفة أو إلي بيها اخطاء أو طفرات راح تبقى عايشة وتتكاثر !! وهنا الكارثة تبدي الخلايا تتحول إلى خلايا سرطانية.لأن السرطان شنو؟ هو خلية فقدت السيطرة ، تشتغل بلا حدود ، وخاصة إذا مفعله انزيم Telomerase
هنا أنت صح تدور على الخلود لكن راح تخلد على فراش الموت ( السرطان)
@Lab_Mostafa
