أنت كمسلم عاوز تنجو يوم القيامة وتدخل الجنة، ممكن يبقى مشروع حياتك… — ☪︎ دِيـنِي ☪︎ — TG.ME

أنت كمسلم عاوز تنجو يوم القيامة وتدخل الجنة، ممكن يبقى مشروع حياتك اللى أنت عايش عليه إنك تبقى مسلم حسن الخلق بس، يعنى لا طالب علم ولا عالم ولا عابد ولا مجاهد ولا ده خالص يكفى أن يكون مشروع حياتك اللى انت عايش عشانه إنك تخرج من هذه الدنيا يقال فلان كان مؤدب، ده مش كلامى ده كلام سيدنا النبى ﷺ إن المؤمن ليدرك بحسن خلقه درجة الصائم القائم تلاقى اسئلة بتيجى من الشباب أمنية حياتى إنى أقيم الليل وده شئ جميل ويفضل طول حياته هو ده مشروعى إنى أبقى من قوام الليل، النبى ﷺ بيقولك إن المؤمن ليدرك بحسن خلقه درجة الصائم القائم أهو الشباب اللى بتسأل أعمل ايه واتصرف ازاى وايه هدفى فى الدنيا عندك هدف أهو اشتغل عليه، ايوه يعنى ده بس يا سيدى حط جمبه ١٠٠ هدف بس ده هدف، لو مخرجتش من الدنيا غير بده يعنى راجل بيأدى الفروض اللى عليه وبيجتنب المحرمات ويحسن أخلاقه تكفيك. - الشيخ أمجد سمير